El Úkimeti 2010-2014 jyldarǵa arnalǵan qurylys ındýstrııasy salasyn jáne qurylys materıaldary óndirisin damytý baǵdarlamasyn maquldady

ASTANA. Qyrkúıektiń 8-i. QazAqparat /Marlan Jıembaı/ - El Úkimeti 2010-2014 jyldarǵa arnalǵan qurylys ındýstrııasy salasyn jáne qurylys materıaldary óndirisin damytý baǵdarlamasyn maquldady. Atalǵan qujatty búgin Indýstrııa jáne jańa tehnologııalar vıtse-mınıstri Berik Kamalıev Úkimet músheleriniń nazaryna usyndy.

Qazirgi ýaqytta atalǵan salada birqatar problemalardyń bar ekendigine toqtalǵan vıtse-mınıstr «baǵdarlama ishki naryqtyń otandyq qurylys materıaldaryna qajettiligin 80 paıyzǵa qanaǵattandyrý, jalpy qosylǵan qundy 76 paıyzǵa, saladaǵy eńbek ónimdiligin 40 paıyzǵa arttyrý syndy negizgi mindetterdiń oń sheshilýin qarastyrady», dedi.

Onyń aıtýyna qaraǵanda, baǵdarlamany júzege asyrýdyń joldary men tetikteri retinde istep turǵan kásiporyndardy jańartý, qurylys ındýstrııasynyń jańa kásiporyndaryn salý, qurylys materıaldaryn satyp alý boıynsha uzaq merzimdi kelisim sharttarǵa otyrý, ınvestıtsııalyq jobalardy júzege asyrý barysynda qazaqstandyq qamtý úlesin arttyrý, ınnovatsııalyq granttar bólý jáne kadrlardy daıarlaý qarastyrylyp otyr.