El turǵyndarynyń depozıtteri 25,2 trıllıon teńgege jetti

NUR-SULTAN. QazAqparat – El turǵyndarynyń depozıtteri 25,2 trıllıon teńgege jetti. Bul týraly Úkimettiń keńeıtilgen otyrysynda Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Bank júıesindegi depozıtter bıylǵy 1 maýsymda jyldyq mánde 3,1 paıyzǵa ulǵaıyp, 25,2 trıllıon teńgeni qurady», - dedi Ulttyq bank tóraǵasy

Ǵalymjan Pirmatovtyń atap ótýinshe, halyqtyń salymdary boıynsha usynylatyn mólsherlemelerdi arttyrý jáne jarııalanǵan Teńgedegi salymdardy qorǵaý baǵdarlamasy dollarlandyrýdyń ósýin toqtatýǵa múmkindik berdi

«Ol aqpanda 38,4 paıyzǵa deıin kóterilgennen keıin mamyrda 2013 jyldan bastap eń tómengi deńgeı – 33,3 paıyzǵa deıin tómendedi», - dedi Ulttyq bank basshysy.