El turǵyndarynan tirkelmegen 428 qarý tárkilendi

NUR-SULTAN. QazAqparat – El turǵyndarynan tirkelmegen 428 qarý tárkilendi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Onyń atap ótýinshe, elimizdiń aýmaǵynda 3 aı boıy júrgizilgen «Ýchaske» jedel aldyn alý is-sharasy barysynda turǵylyqty jeri boıynsha 200 myńnan astam azamattyq qarý ıesi tekserildi. 3 myńǵa jýyq atys qarýyn saqtaý erejesin buzý anyqtaldy. Aınalymnan tirkelmegen 428 qarý tárkilendi.

«Operatsııa bastalǵannan beri polıtsııa qyzmetkerleri 500 myńnan astam ákimshilik quqyq buzýshylyqtyń, onyń ishinde 8 myńnan astam usaq buzaqylyqtyń joly kesti. Sondaı-aq otbasylyq-turmystyq saladaǵy 11 myńnan astam quqyq buzýshylyqtyń jáne kóshi-qon zańnamasyna qatysty 82 myńnan astam zań buzýshylyqtyń aldyn aldy»,- dedi Nurdildá Oraz ІІM baspasóz alańynda ótken brıfıng barysynda.