El turǵyndary óz erkimen 1,3 myń qarý tapsyrdy
«Qoǵamdyq qaýipsizdikti qamtamasyz etý jáne atys qarýyn qoldana otyryp jasalatyn qylmystardyń aldyn alý maqsatynda ІІM jyl saıyn halyqtan zańsyz saqtalǵan atys qarýyn, oq-dáriler men jarylǵysh zattardy satyp alý boıynsha aktsııalar ótkizedi. Bıyl atalǵan aktsııa 25 sáýirde bastaldy, bul maqsatqa respýblıkalyq bıýdjetten 88,7 mln teńge bólindi», - dedi ІІM ókili vedomstvonyń baspasóz qyzmeti alańynda ótken brıfıngte.
Onyń dereginshe, is-shara qorytyndysyna sáıkes ishki ister organdaryna 1 myńnan astam azamat júgindi. Olar 1,3 myń atys qarýyn, 9 myńnan astam oıyq qarý patrondaryn óz erkimen tapsyrdy.
«Bólingen qarajattyń ıgerilýine baılanysty aktsııa Nur-Sultan, Almaty, Shymkent qalalarynda, Aqmola, Almaty, Atyraý, Jetisý, Batys Qazaqstan, Qaraǵandy, Qostanaı, Túrkistan, Soltústik Qazaqstan, Pavlodar, Ulytaý oblystarynda aıaqtaldy. ІІM halyqtan qarý-jaraq zattaryn satyp alý boıynsha is-sharalardy 2008 jyldan beri ótkizip kele jatqanyn atap ótý qajet. Osy kezeńde azamattar óz erkimen jalpy 54 myńnan astam atys qarýyn, 2 mln-nan astam oıyq qarý patrondaryn tapsyrǵan», - dedi Shuǵyla Turlybek.
Foto: www.kirovsk.by