El turǵyndary qandaı syrqattarǵa jıi shaldyǵady

NUR-SULTAN. QazAqparat - 2019 jyly Qazaqstanda túınemege shaldyǵýdyń 12 jaǵdaıy tirkeldi, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

«2019 jylǵy qańtar-jeltoqsanda tirkelgen juqpaly aýrýlardyń arasynda eń kóp taralǵany: joǵary tynys joldarynyń ótkir juqpasy – 539 228 jaǵdaı, fýnktsıonaldyq dıareıa – 12 382, tynys organdarynyń týberkýlezi – 8 438, jelsheshek – 41 841, tumaý - 2213, qyshyma – 669, qyzylsha - 576 jáne kókjótel - 147. Túıneme aýrýynyń 12 jaǵdaıy tirkeldi (2018 jyly - 2 jaǵdaı)», - delingen habarlamada.

Óńirler boıynsha alatyn bolsaq, fýnktsıonaldyq dıareıaǵa (4450 jaǵdaı) shaldyǵýdyń eń kóp jaǵdaıy Qyzylorda oblysynda boldy. Al Nur-Sultan qalasynda tumaý (232 jaǵdaı) jáne naqtylanǵan basqa da bakterııalyq ishek juqpalary (1189 jaǵdaı) kóp bolǵan. Almaty oblysynda tynys organdarynyń týberkýlezi (889 jaǵdaı) jáne merez (412 jaǵdaı), Shyǵys Qazaqstan oblysynda rotavırýstyq enterıt (187 jaǵdaı), Mańǵystaý oblysynda pedıkýlez (243 jaǵdaı) eń jıi anyqtaldy.