El tarıhynda taǵy bir syndarly kezeń bolaıyn dep tur - Baǵytjan Qunas
Ol Memleket basshysynyń kezekten tys prezıdent saılaýyn ótkizý jónindegi málimdemesiniń tereń talqylanyp baryp jarııa etilgen atap ótti.
«Atalǵan sheshimniń bir sátte shyqpaǵanyn, onyń tereń talqylanyp, jan-jaqty qarastyrylǵany sózsiz. Álemde túrli jaǵdaı bolyp jatqanda bizdiń eldiń bekem birligi men túzý tirligi jurttyń kóz aldynda. Biraq jalpaq dúnıedegi kez kelgen qubylys bizge áser etetini anyq. Sondyqtan naqtylyq kerek. Ol úshin bizder osy bastan on oılanyp, myń tolǵanyp, memleketimiz úshin jaýapkershilik alatyn tulǵany tańdaýda qatelespeýimiz qajet», dedi Baǵytjan Qunas.
Onyń oıynsha, kezekten tys prezıdenttik saılaý, ádil, adal, ashyq túrde ótedi degen senim bar.
«Al búgingi eldiń tynyshtyǵyn, jerimizdiń tutastyǵyn saqtaý, bolashaq urpaqtyń alańsyz ósýi, qajetinshe bilim alýy, jumyssyzdyqty joıý baǵytyndaǵy izgi qadamdar, osynyń bári aınalyp kelgende eldiń erteńgi Prezıdent saılaýyndaǵy durys tańdaý jasaýymen tyǵyz baılanysty.
Barsha álem Qazaqstandy zaıyrly, qarqyndap damyp kele jatqan, beıbitsúıgish memleket retinde jaqsy biledi. Sonyń arqasynda elý eldiń birine aınaldyq. Alda ozyq damyǵan otyz eldiń qataryna jetý maqsaty tur. Osy rette memleketimizdiń ózge elder aldyndaǵy bedelin arttyryp, syrtqy elderge moıyndatý úshin ony basqaratyn tulǵanyń halyqaralyq deńgeıde tanymal bolýynyń da mańyzy zor degen oıymdy ortaǵa salǵym keledi», - dedi ol.
Onyń aıtýynsha, egemendiktiń eleń-alań shaǵynda Elbasynyń aldynda eldegi ultaralyq qarym-qatynastardy daý-damaısyz tıimdi sheshý mindeti turǵan..
«Qazaqstandyqdar «qazaq halqy» degen ataýǵa balama retinde «dos peıildi», «meıirban», «qonaqjaı» degen sózderdi paıdalanylatyn boldy. Birligimizdi saqtaý úshin osy qasıetterdi óz urpaqtarynyń boıyna sińirý qajettigin ashyq aıtýda. Endeshe biz de bıikten kórinip, aýyzbirshiligimizben tanylýymyz kerek. Dana halqymyzdyń «Birligi jarasqan elge baq qonady» deýi kezdeısoq sóz emes. Sol sózdiń synalar tusy - aldaǵy saılaý. Ult retinde ulyqtar tulǵamyzdy tanı bileıik.
Bolashaǵymyz - óz qolymyzda. Oılanyp jasalǵan tańdaýdyń órge bastyratynyn umytpaıyq. Óz basym osy saılaý elimizdi áleýmettik - saıası jańǵyrýǵa, eldegi kelisim men beıbitshilikti, turaqtylyqty saqtaýǵa, erkin bolashaqty qurýǵa zor múmkindik beretinine senemin», - dedi Baǵytjan Qunas.
Foto: atpress.kz