El óńirlerinde mektep formasy qanshadan satylyp jatyr

<p>ASTANA. KAZINFORM &ndash; Oqý jylynyń bastalýyna az ýaqyt qaldy. Qazir ata-ana dúken, bazar aralap balalaryn mektepke daıyndap jatyr. Oqý quraldarynan bólek, bir oqýshyny kıindirý qansha turady? Agenttik tilshisi el óńirlerindegi mektep formasy baǵasyna sholý jasaǵan edi.&nbsp;</p>

Elimizde mektep formasynyń biryńǵaı talaby bar. Oqýshylarǵa arnalǵan kıim úlgisi klassıkalyq bolýy tıis ári úshten artyq tús qoldanbaǵan jón.

Uldarǵa arnalǵan mektep formasyna – pıdjak, keýdeshe, shalbar, merekelik jáne kúndelikti kıetin jeıde, polo nemese tennıs jeıdesi kiredi. Shalbar tobyqty jaýyp, keń turýy kerek.

Qyzdarǵa arnalǵan mektep formasyna – pıdjak, keýdeshe, beldemshe (ıýbka), shalbar, klassıkalyq jeıde nemese toqylǵan jempir nemese kardıgan, polo nemese tennıs jeıdesi, sarafan kiredi. 

Mektep formasyna óte únemdegenniń ózinde 30 myń teńge qajet. Munyń ózi eń qajet degen kıimderdi bir danadan alǵanda, sebebi bala ósedi, kıim búlinýi múmkin nemese nashar sapa yqtımal.

Aqtóbe men Semeıde mektep formasyn 20-40 myń teńgege satyp alýǵa bolady. Óskemende 25-50 myń teńge, al Oralda 25-40 myń teńgeden satylyp jatyr.

Kókshetaýda 35-50 myń teńgege ala alasyz, Petropavlda bazalyq mektep formasy 20 myń teńgeden bastalady. Qara jáne kók kostıýmdi 15 myń teńgege, al uldarǵa arnalǵan jeıdeni 5 myń teńgege satyp alýǵa bolady.

Aıtpaqshy, otandyq jáne Qytaı taýarlarynyń baǵa aıyrmashylyǵy baryn eskergen jón. Árıne, baǵaǵa mata sapasynyń áseri zor. SQO-daǵy mektep formasyn tigetin óndiris katalogyna úńilsek, uldarǵa arnalǵan shalbar 9000 teńge, keýdeshe 9000-10 000 teńge, galstýk — 1300 teńge, pıdjak — 18 000 – 20 000 teńge, jalpy somasy 40 myń teńge shyǵady. Odan bólek, jeıde alý qajet. Qyzdarǵa kelsek, jaket 15 000 tenge, keýdeshe 9600 teńge, beldemshe (ıýbka) 8000 teńge shamasynda, sarafan 16 000 teńge, pıdjak 18 000 teńge, shalbar 13 000 teńge.

Qostanaıda oqýshy formasyn kem degende 25-30 myń teńgege jınaı alasyz. Óńirdegi «Bolshevıchka» jáne «Azýrıt» tigin fabrıkasy qoljetimdi baǵaǵa usynyp otyr. Beldemshe (ıýbka) 3500 teńgeden 6000 teńge aralyǵynda, keýdeshe 15-20 myń teńge, uldarǵa arnalǵan shalbar 10 000 teńge jáne kostıým 17-24 myń teńgeden satylyp jatyr.

Jergilikti bazarlarda qyzdarǵa arnalǵan jeıdeni 4-10 myń teńgege, al uldarǵa arnalǵan jeıdeni 5-10 myń teńge, uldarǵa arnalǵan shalbar 10 000 teńgeden bastalady, uldarǵa arnalǵan kostıým 15 000 teńgeden bastalady, pıdjak jáne beldemshe (qyzdarǵa arnalǵan) 12-22 myń teńge aralyǵynda satylyp jatyr. Bantık 700 ben 1500 teńge, al uzyn shulyq (golf) 800 jáne 2500 teńge aralyǵyn quraıdy. 

Saýda úılerinde baǵa basqasha, uldarǵa arnalǵan kostıým 34 myń teńgeden bastalyp, 65 myń teńgege deıin jetedi, jeıde 4 -11 myń teńge aralyǵy, beldemshe-kóılek 5 myń jáne 15 myń teńge aralyǵynda. Uldarǵa arnalǵan shalbar 11 myń teńgeden bastalyp, 17 myń teńgege deıin jetedi, al jeıdeni tańdaýǵa qaraı 8-22 myń teńgege satyp alý múmkindigi bar. 

Atyraýda mektep formasy 30-45 myń teńge turady. Uldarǵa arnalǵan kostıým 30-45 myń, qyzdarǵa arnalǵan jeıde 6,5-10 myń teńge, qyzdarǵa arnalǵan pıdjak 17 000 teńge, beldemshe (ıýbka) 9-15 myń teńge turady. 

Qyzylordada bir balaǵa mektep formasyn kıindirý úshin 30-40 myń teńge jumsalady. Atap aıtsaq, sarafan 8-10 myń teńge, kóılek — 4-20 myń teńge, keýdeshe — 11-14 myń teńge, uldarǵa arnalǵan kostıým — 15-45 myń teńge, al shalbar— 6-25 myń teńge aralyǵynda. 

Qaraǵandyda mektep formasyna kem degende 25 000 teńge qajet. Sarafan 8000 teńgeden bastalady, jeıde — ot 3,5-20 myń teńge arasynda, keýdeshe — 13 myń teńgeden bastalady. Uldarǵa arnalǵan kostıým 18 myńnan 45 myń teńgege deıin jetedi. Shalbar 8 myń teńgeden bastalyp 20 myńǵa jetedi. Odan bólek, sporttyq kıim jáne krossovka taǵy bar. 

Jezqazǵanda da shamamen osy baǵa, degenmen keıbir jerlerde 5-10%-ǵa qymbat. Biraq, sapaly taýar az. 

Túrkistanda mektep formasyn 30-50 myń teńgege satyp ala alasyz. Uldarǵa arnalǵan jeıde 6000 teńge, kostıým ortasha 30-45 myń teńge, jeıde 6-10 myń teńge, qyzdarǵa arnalǵan pıdjak 15-25 myń teńge, beldemshe (ıýbka) 6-10 myńnan satylyp jatyr. 

Pavlodarda oqýshy formasynyń baǵasy 35 myń teńgeden bastalady. Qyzdarǵa arnalǵan jeıde 3-9,5 myń teńge, beldemshe (ıýbka) 4-10 myń teńge, qyzdarǵa arnalǵan shalbar 5-11 myń teńge, pıdjak -12-24 myń teńge, uldarǵa arnalǵan jeıde - 4-8 myń teńge, kostıým – 30 000 teńge, shalbar - 10-12 myń teńge. 

Taldyqorǵanda mektep formasyna kemi 30 myń teńge qajet. Qyzdarǵa arnalǵan jeıde men beldemshe 8000 teńge, uldardyń kostıými 15-25 myń teńge aralyǵynda satylyp jatyr. 

Astana men Shymkentte tańdaý kóp, iri taýar óndirýshilerdiń dúkeninen tikeleı alýǵa bolady. Іzdeseńiz arzanǵa tabasyz, bir balany kıindirýge shamamen 25-40 myń teńge jumsaý qajet. 

Foto: Kazinform

Mektep formasyn tańdaǵanda bastysy nege nazar aýdarý kerek? Osy oraıda Densaýlyq saqtaý mınıstrligi sanıtarlyq-epıdemıologııalyq baqylaý komıteti mamandarynyń keńesine qulaq assaq. 

«Mektep formasyn tańdaý - oqý jylynyń basynda ata-analar men balalardyń aldynda turǵan mańyzdy mindet. Kúni boıy oqýshynyń jaılylyǵy men kóńil-kúıi formanyń qanshalyqty yńǵaıly ekenine baılanysty. Mektep formasyn tańdaǵanda nazar aýdarý kerek negizgi krıterıılerdi qarastyryńyz. Aldymen materıal, matanyń sapasy sheshýshi ról atqarady. Pishin jaılylyq pen beriktikti qamtamasyz etetin tabıǵı nemese aralas matalardan tigilýi kerek. Terini titirkendiretin jáne aýa ótkizbeıtin tolyq sıntetıkalyq matalardan aýlaq bolyńyz. Kıim qozǵalysty shektemeýi kerek. Balanyń qolyn erkin kóterip, otyra alatyndyǵyna kóz jetkizińiz», - deıdi mamandar. 

Jalpy salystyrmaly túrde alyp qarasaq, mektep formasyn qoljetimdi baǵaǵa alýǵa bolady. Biraq, negizgi kıimderden bólek, sporttyq kıimder bar sol sııaqty artyq jeıde men shalbar taǵy kerek. Sondaı-aq, bala siz tańdaǵan kıimdi alǵysy kelmeýi múmkin, bul jerde baǵa aıyrmashylyǵy bar. Eń bastysy kıim yńǵaıly ári qaýipsiz bolǵany abzal. Árıne, ata-ananyń qaltasy kóterse, balasyn qymbat ári sapaly kıindirý múmkindigi bar. 

Tilge tıek etsek, «Geostatıstıka» telegram kanaly Qazaqstanda mektep formasynyń TMD elderi arasynda eń qymbat ekenin habarlady. Portaldyń málimetinshe, balany mektepke kıindirýge kemi 70 myń teńge kerek, al eń arzan mektep kıimderi Ázirbaıjanda eken. 

Aıta keteıik, Oqý-aǵartý mınıstrliginiń málimetinshe, bıyl birinshi synypqa 336000-nan astam bala qabyldandy.