El óńirlerinde qant qansha turady

<p>ASTANA. KAZINFORM &ndash; Qazaqstanda qant áleýmettik mańyzy bar azyq-túlik taýarlarynyń tizimine engizilgen. ıAǵnı, baǵasy retteledi degen sóz. Biraq el aımaqtarynda qant baǵasy boıynsha sál-pál aıyrmashylyq bar eken. Muny Kazinform agenttiginiń tilshisi ónim baǵasyn zertteý barysynda kóz jetkizdi.</p>

Eń arzan qant Aqtóbe men Aqtaýdan tabyldy. Atalǵan óńirlerde ónimniń bir kelisi 400 teńgeden tómen. Al, kóptegen aımaqtarda 400-den 420 teńgege deıingi aralyqta. Atap aıtsaq, Qostanaı men Qyzylordada 400 teńge, Petropavl men Pavlodarda 410 teńge, Shymkent, Qaraǵandy, Jezqazǵan, Almaty, Astana, Oral qalalarynda 420 teńge turady. Taraz ben Taldyqorǵanda – 430 teńge, Atyraý, Semeı, Qonaev, Túrkistan jáne Óskemende qanttyń kelisi 450-460 teńgege deıin jetedi. Kókshetaýda qanttyń bir kelisi 500 teńgege teń.

Kollaj: dall-e kazinform

Bul – eń kóp qoldanatyn túıirshiktelgen qanttyń baǵalary. Al, tazartylǵan qanttyń salmaǵy jarty keli bolatyn qorapshasy 400 teńgeden bastalady. Dál osyndaı kólemdegi ónim eki myń teńgeden de satylady. Biraq quramynda karamel dámi nemese vıtamıni bar. Quraq qanttyń bir kelisi eki myń teńgeden bastalady. Kokos jańǵaǵy odan da qymbat – 200 gramy 2,5 myń teńgeden, kokos palmasynan alynǵan organıkalyq túri dál sondaı salmaq úshin 7,2 myń teńgeden satylady.

Ulttyq statıstıka bıýrosynyń málimetinshe, 13 tamyzdaǵy jaǵdaı boıynsha Qazaqstanda túıirshiktelgen qanttyń ortasha quny kelisine 414 teńgeni quraıdy.

Eń arzan qant Aqtóbede, ondaǵy ortasha baǵa 379 teńgege teń. Al, eń qymbaty Petropavlda (ortasha baǵa - 439 teńge). 

Globalproductprices.com portaly sáýir aıynda 82 elde jınaqtalǵan qant baǵasy týraly derekterdi usyndy. Saıttyń málimetinshe, álemde tátti ónimniń ortasha baǵasy 1,52 AQSh dollaryn (725 teńge) quraıdy. Eń tómen baǵa Pákistanda – 0,61 AQSh dollary (291 teńge), eń qymbaty – Gonkongta 3,19 AQSh dollary (1 520 teńge). Bul kórsetkish boıynsha Qazaqstan 1,38 dollar (658 teńge) baǵamen 47-shi qatarda tur.