El onkologtary alǵash ret 3D tehnologııa kómegimen jambasqa rekonstrýktsııa jasady

ASTANA. QazAqparat - Qazaqstanda alǵash ret onkologtar 3D tehnologııanyń kómegimen jambas súıegin qaıta jańartý operatsııasyn jasady, dep habarlaıdy QazAqparat.

Operatsııa Qazaq onkologııa jáne radıologııa ǵylymı-zertteý ınstıtýtynyń súıekterdiń, jumsaq tinderdiń jáne melanomalardyń isikteri ortalyǵynda boldy.

23 jastaǵy naýqasqa «hondrosarkoma» dıagnozy qoıylǵan.

«Naýqasqa ınstıtýtta mýltıdıstsıplınarlyq dárigerler toby keńes berdi. Buryn bundaı jaǵdaılarda hırýrgtar jambas súıekteriniń zaqymdalǵan aımaǵyn alyp tastaýǵa májbúr boldy. Bul jambas qýysynyń tutastyǵyn buzady, adamnyń júrisiniń buzylýyna, naýqas omyrtqasynyń qısaıýyna ákeledi. Biraq emdelýshiniń jasyn eskere otyryp, onkohırýrgtar óz aldyna isikti alyp tastap qana qoımaı, naýqastyń ómir sapasyn da saqtap qalý maqsatyn qoıdy», - dedi onkohırýrg, Qazaq onkologııa jáne radıologııa ǵylymı-zertteý ınstıtýty súıekterdiń, jumsaq tinderdiń jáne melanoma isikteri ortalyǵynyń basshysy Ǵanı Serikbaev.

Osy jobany iske asyrý úshin Coln3d (Gonkong, Qytaı) kompanııasymen uzaqmerzimdi memorandým jasaldy. Naýqastyń KT-derekteri Gonkongqa jiberildi.

Gonkongta 3D-basyp shyǵarý arqyly kobalt-hrom qorytpasynan arnaıy protez jasaldy.

Operatsııa 2022 jyldyń qyrkúıek aıynda QazOjRǴZI-da ótti. Operatsııa barysynda patsıenttiń qyr-myqyn súıeginiń qanaty, sondaı-aq isikten zardap shekken jumsaq tinder alynyp tastaldy.

Jambas qýysyn qalpyna keltirý úshin kompıýterlik jáne 3D tehnologııalardy qoldana otyryp, jeke málimetter boıynsha jasalǵan jeke endoprotezben jambas súıekterin qaıta jasaldy. Ota 3 saǵatqa sozyldy.

Naýqastyń otadan keıingi kezeńi jaqsy ótip jatyr, naýqas operatsııadan keıin besinshi kýni belsendi boldy.