El óńirlerinde 5 gradýsqa deıin úsik kútiledi
12:29, 14 Qyrkúıek 2022
NUR-SULTAN. QazAqparat – «Qazgıdromet» RMK 14-16 qyrkúıek kúnderine aýa raıy boljamyn usyndy, dep habarlaıdy QazAqparat.
Sınoptıkter málimetinshe, Qazaqstannyń soltústik jartysy soltústik-batys sýyq antıtsıklonynyń yqpalynda qalady. Sondaı-aq respýblıkanyń batysynda, soltústik-batysynda, shyǵysynda, ońtústik-shyǵysynda atmosferalyq frontaldy bólikterdiń ótýimen jańbyr saqtalady. Al elimizdiń shyǵysy men ońtústik-shyǵysynyń taýly aýdandarynda túnde jańbyrdyń sońy qarǵa ulasýy múmkin.
15 qyrkúıekke qaraǵan túni shyǵysta qatty jaýyn-shashyn (jańbyr, qar) boljanady. Respýblıka boıynsha jel kúsheıedi.
15-16 qyrkúıek kúnderi respýblıkanyń ońtústik-shyǵysynyń taýly aýdandarynda, soltústikte, soltústik-batysta, ortalyqta, shyǵysta 5 gradýsqa deıin úsik kútiledi.