El ómirindegi uly oqıǵa - Álıma Ábdihalyqova

QYZYLORDA. QazAqparat - Qazaq handyǵynyń 550 jyldyǵyn toılaý el ómirindegi uly oqıǵa sanalady. Bul mereıtoıdyń táýelsiz Qazaq eliniń eńsesin kóterip, boıyn tiktep, óz qýatyn dáleldeıtindeı deńgeıge jetkende toılanýy erekshe qubylys.

Jetpis jyl boıy Keńes Odaǵynyń bodanynda bolyp, tek KSRO tarıhymen sýsyndaǵan urpaq ata tarıhtan alshaqtap, eldiń ótken ómirinen tysqary qaldy. Táýelsizdikpen birge kelgen sana bostandyǵy bizdiń óshkenimizdi jandyryp, ólgenimizdi tiriltti. Sonyń bir jarqyn kórinisi - Elordada toılanǵan Qazaq handyǵynyń 550 jyldyǵy. Oblystyq «Azamattyq Alıans» qaýymdastyǵynyń tóraıymy Álıma Ábdihalyqova mereıtoıdan alǵan áserimen osylaı bólisti.

«El astanasyndaǵy Táýelsizdik saraıynda Elbasynyń qatysýymen ótken saltanatty shara oǵan qatysýshylardyń júregine qýanysh sezimin uıalatty. Saryarqa tórinde boı kótergen etno-aýylda tigilgen qazaqı qarasha úılerdi, úlken sahnadaǵy qoıylymdardy, sporttyq alańdaǵy ulttyq oıyndardy, altybaqan men taıqazan tóńiregindegi uıymdastyrylǵan ulttyq salt-dástúrlerge baı sharalar men yrym-joralǵylardy kórip, shyny kerek, sonaý on toǵyzynshy ǵasyrǵa oralǵandaı áser aldym», - deıdi Á. Ábdihalyqova.