​​El oqýshylary alǵash ret qazaq tilinen arnaıy emtıhan tapsyryp jatyr

<p>ASTANA. KAZINFORM &mdash; Búgin Qazaqstan mektepterinde aralyq jáne qorytyndy emtıhan tapsyrý kezeńi bastaldy. Emtıhandar 11 maýsymǵa deıin jalǵasady. Bul jaıynda Oqý-aǵartý mınıstrliginiń baspasóz qyzmetinen habarlandy.&nbsp;</p>

Bıyl birinshi ret bilim alýshylardyń oqý baǵdarlamalaryn ıgerýin, oqý jáne jazý saýatyn aıqyndaý maqsatynda 5-8,10 synyptar 31 mamyrǵa deıin qazaq tilinen emtıhan tapsyrady.

Emtıhannyń naqty ýaqytyn oqý oryndary ózderi belgileıdi.

Emtıhan eki bólikten turady: jazbasha jáne aýyzsha.

Oqýshylar esse jazady, sondaı-aq, mátindi oqý, áńgimelesý jáne mátindi tyńdap túsiný boıynsha óz sheberligin kórsetedi.

29 mamyr men 10 maýsym aralaǵynda 9 synypty bitirýshiler úshin qorytyndy emtıhandar bolady, al 11 synypty bitirýshiler 28 mamyr — 11 maýsym aralyǵynda emtıhan tapsyrady. 

«Aqtóbe oblysynan 9 mektep, Atyraý oblysynan 20 mektep jáne Soltústik Qazaqstan oblysynan 5 mektep oqýshylary bul óńirlerde tabıǵı sıpattaǵy tótenshe jaǵdaı jarııalanýyna baılanysty aralyq jáne qorytyndy attestatsııalaýdan bosatyldy», — dep atap ótti vedomstvonyń baspasóz qyzmeti.

Qorytyndy attestatsııadan barlyǵy 340 myńnan astam 9 synypty bitirýshiler, sondaı-aq bıyl 11 synypty bitirýshi 186 myń oqýshy ótedi.