El mektepterinde ata-analar akademııasy jumysyn bastaıdy

QAZALY. QazAqparat - QR Oqý-aǵartý mınıstri Qyzylorda oblysy Qazaly aýdanynyń ata-analary jáne jurtshylyqpen kezdesýinde mektepterde ata-analar akademııasy jumys isteıtinin málimdedi, dep habarlaıdy QazAqparat.

Qatysýshylar quqyq buzýshylyqtyń aldyn alý jáne balalardyń qaýipsizdigin qamtamasyz etý máselelerin talqylady.

Oqý-aǵartý mınıstrligi bala quqyqtaryn qorǵaý komıtetiniń tóraǵasy Nasymjan Ospanova baıandamasynda memleket basshysynyń tapsyrmasy boıynsha balalardy zorlyq-zombylyqtan, sýıtsıdtiń aldyn alý, olardyń quqyqtary men ál-aýqatyn qamtamasyz etý boıynsha keshendi jospar ázirlengenin aıtty.

Mınıstrlik zańnamalyq bazany jetildirýde, onyń ishinde balanyń jábirlenýden qorǵaný quqyǵy bekitildi.

Balalar arasyndaǵy jábirleýdiń aldyn alý erejesi, mektepterdiń psıhologııa qyzmettiń jumys erejesi, balalarǵa qatysty zorlyq-zombylyq pen qatygezdik faktilerin anyqtaý jáne olarmen jumys isteý algorıtmi qabyldandy.

Elimizdiń ár óńirinde bala quqyqtary jónindegi ýákilder jumys istep jatyr.

Balalar men olardyń ata-analaryna jedel kómek kórsetý úshin «Bala qorǵaý» telegram-chaty jumys isteıdi.

Aıta keteıik, bul sharalardyń barlyǵy balalardyń qaýipsizdigin qamtamasyz etýde biryńǵaı tásilderdi qalyptastyrýǵa baǵyttalǵan.

Qyzylorda oblysy bilim basqarmasynyń basshysy Meırambek Shermaǵanbettiń aıtýynsha, kámeletke tolmaǵandar arasynda quqyq buzýshylyqtyń aldyn alý boıynsha birqatar sharalar qabyldanǵan.

Barlyq bilim berý uıymdarynda mektep pen ata-analardyń ózara is-qımyly qolǵa alynǵan.

Ata-analar men aǵa urpaqty tarta otyryp adamı qundylyqtardy rýhanı-adamgershilik tárbıeleý jáne damytý boıynsha jumystar júrgizilýde.

Oqý-aǵartý mınıstri Ǵanı Beısembaev óskeleń urpaqty tárbıeleýdegi negizgi aspektilerdi atap ótti.

Sondaı-aq osy baǵytta qabyldanyp jatqan sharalarǵa toqtaldy.

Mınıstrlik balalardy oqytý, tárbıeleý jáne damytýda otbasy men mektep arasyndaǵy ózara is-qımyldy kúsheıtýge baǵyttalǵan «Ata-analar akademııasy» jalpyulttyq mádenı-bilim berý jobasyn ázirlep jatyr.

Kezdesý sońynda mınıstr toǵyz jasar Janserik Álimniń ustazy men ata-anasyna alǵys hat tabys etti.

Oqýshy tótenshe jaǵdaı kezinde baýyrlaryn órtten aman alyp shyǵyp, erjúrektigin kórsetti.

Sondaı-aq kezdesýde quqyq qorǵaý organdarynyń ókilderi, aýdandyq máslıhat depýtattary, ata-analar komıtetteri men qamqorshylyq keńesteriniń tóraǵalary sóz alyp, oı bólisti.

Aıta keteıik, ata-analar jáne jurtshylyqpen osyndaı kezdesýler elimizdiń barlyq óńirlerinde jalǵasady.