El qorjyny taǵy bir Olımpıada joldamasymen tolyqty

<p>ASTANA. KAZINFORM &ndash; Frantsııa astanasy Parıj qalasynda ótetin XXXIII jazǵy Olımpıada oıyndaryna qazaqstandyq badmıntonshy Dmıtrıı Panarın 33-lıtsenzııany jeńip aldy.</p>

QR Sportty damytý dırektsııasy málim etkendeı, qazaqstandyq badmıntonshy Dmıtrıı Panarın el qorjynyna Parıj Olımpıadasynyń kezekti joldamasyn syılady.

Dmıtrıı olımpıadalyq reıtıngte 25005 upaımen 31-orynǵa turaqtap, Qazaqstan komandalyq esepte top-25 eldiń qataryna endi.

Esterińizge sala keteıik, osyǵan deıin ulttyq qurama sańlaqtary Parıj Olımpıadasynyń 32 joldamasyna qol jetkizgen bolatyn.

Atap aıtsaq, (erler) – 6, nysana kózdeý – 5, sadaq atý – 4, semserlesý – 4, tas joldaǵy velosport – 3, qazirgi bessaıys – 2, taekvondo – 2, boks (áıelder) – 1, grek-rım kúresi – 1, erkin kúres – 1, sporttyq gımnastıkadan – 1, batýttaǵy gımnastıka – 1, jeńil atletıkadan 1 joldama ıelengen.

2024 jylǵy Olımpıada oıyndarynda sporttyń 32 sport túrinen 329 medal óz ıesin tabatyn bolady.

Búgin Parıjde ótetin XXXIII jazǵy Olımpıada oıyndarynyń bastalýyna týra 100 kún qaldy. 26 shilde men 11 tamyz aralyǵynda ótetin synda álemniń eki júzge tarta elinen 10 mynnan astam sportshy baq synamaq.