El Jastary biryńǵaı aqparattyq navıgatory ázirlenedi
«Ulttyq rýhanı jańǵyrý» ulttyq jobasyna (2021 jylǵy 12 qazandaǵy № 724 QRÚQ) sáıkes «Táýelsizdik urpaqtary» jastardy qoldaý jónindegi arnaıy baǵyt aıasynda 2025 jylǵa qaraı NEET sanatyndaǵy jastardy 5paıyzǵa deıin tómendetý boıynsha is-sharalar kesheni josparlanǵan. Sondaı-aq, jastardy, onyń ishinde NEET sanatyndaǵy jastardy memlekettik qoldaý is-sharalary týraly qoldaýǵa jáne ýaqtyly habardar etýge baǵyttalǵan El Jastary biryńǵaı aqparattyq navıgatoryn ázirleý kózdelgen», - dedi Úkimet basshysynyń orynbasary jaýabynda.
Eraly Toǵjanovtyń jazýynsha, búginde Qazaqstan Respýblıkasynyń jastaryn qoldaý jónindegi 2021-2025 jyldarǵa arnalǵan keshendi jospar iske asyrylyp jatyr. Jospar aýqymynda Aqparat jáne qoǵamdyq damý mınıstrligi jergilikti atqarýshy organdarmen birlesip, NEET sanatyndaǵy, onyń ishinde aýyldyq jerde jáne ómirlik qıyn jaǵdaıda júrgen jastardy jumyspen qamtýǵa, jumysqa ornalastyrýǵa jáne áleýmettendirýge baǵyttalǵan birqatar is-shara iske asyrýda.
«Bıyl Jastar resýrstyq ortalyqtarynda respýblıkalyq jobalyq keńse jáne NEET sanatyndaǵy jastarmen ataýly jumys jónindegi arnaıy bólimder qurylyp, jumys isteıdi. Respýblıkalyq jobalyq keńseniń bazasynda call-ortalyq (8-778-097-55-28) jumys isteýde. Onyń kómegimen 8,9 myń jas adam jumysqa ornalastyrý, biliktiligin arttyrý jáne qaıta daıarlaý máseleleri boıynsha jeke jáne toptyq onlaın-konsýltatsııalar aldy. Qazirgi ýaqytta 5 myńnan astam adam tirkelgen NEET sanatyndaǵy jastardyń óńirlik Derekqory qalyptastyryldy. NEET sanatyndaǵy jastar arasynda jastardy qoldaýdyń memlekettik baǵdarlamalary týraly aqparattyq-túsindirý jumystaryn júrgizý jáne qujattardy resimdeýge, jumysqa ornalasýǵa, oqýǵa járdemdesý úshin 1,7 myń jastar pýly quryldy», - dedi ol.
Sondaı-aq, vıtse-premer Aqparat jáne qoǵamdyq damý mınıstrligi múddeli memlekettik organdarmen birlesip, NEET sanatyndaǵy jastardy memlekettik qoldaý is-sharalarymen qamtý maqsatynda olardy anyqtaý jáne esepke alý algorıtmin ázirlegendigin atap ótedi.
«Aýmaqtardy damytý baǵdarlamalarynda jastardyń NEET úlesin tómendetý boıynsha nysanaly ındıkator jáne jastardyń osy sanatyn jumysqa ornalastyrý boıynsha arnaıy is-sharalar, onyń ishinde jastardy volonterlik qyzmetke tartý, «Jasyl El» eńbek jasaqtarynda maýsymdyq jumysqa ornalastyrý, buqaralyq sportpen aınalysýǵa tartý jáne taǵy basqalary kózdelgen. Máselen, NEET sanatyndaǵy jastardy áleýmettendirýge baǵyttalǵan keshendi is-sharalardyń biri «Zhas Project» jobasy sanalady. 2022 jylǵa arnalǵan respýblıkalyq bıýdjetti naqtylaý kezinde zańnamada belgilengen tártippen «Zhas Project» jobasyn qarjylandyrý máselesi qaralatyn bolady», - dedi Eraly Toǵjanov.