El ishine iritki salatyn jat ıdeologııalarmen kúresti kúsheıtý kerek – Prezıdent

NUR-SULTAN. QazAqparat – Memleket basshysy Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda áleýmettik jelide jurtty zań buzýǵa ıtermeleıtin aǵymdardyń óte kóptigine nazar aýdardy, dep habarlaıdy QazAqparat.

Prezıdent olardyń jolyn kesý úshin basqa da quzyrly organdarmen birlesip jumys atqarý kerek ekenin atap ótti.

Sonymen qatar qoǵamdyq uıymdarmen tyǵyz qarym-qatynas ornatqan abzal ekenin eske saldy.

Memleket basshysy azamattardyń bárine teń múmkindik beretin qoǵam qurý, sonyń ishinde áıelder men balalardyń quqyǵyn qorǵaý basty mindet ekenin atap ótti.

«Taǵy bir mańyzdy mindet – áıelder men balalardy zorlyq-zombylyqtan qorǵaý. Mınıstrlikte osyndaı isterdi tergeýmen aınalysatyn arnaýly bólim qaıta ashyldy. Meniń tapsyrmam boıynsha bıyl áıelder men balalarǵa keshendi qoldaý kórsetetin ortalyqtar quryldy. Bul ortalyqtar qazir pılottyq rejımde jumys jasap tur. Onda psıhologııalyq, quqyqtyq jáne medıtsınalyq kómek kórsetiledi. Sondaı-aq, tıisti saraptamalar jasalady. Arnaıy daıarlyqtan ótken tergeýshi áıelder zardap shekken jandarǵa járdem beredi. Jalpy, bul ortalyqtar tıimdi jumys istep jatyr. Mundaı ortalyqtardy búkil el aýmaǵynda ashyp, aýqymyn keńeıtý kerek. Úkimetke jáne ákimderge osy jumysty qolǵa alýdy tapsyramyn», – dedi Qasym-Jomart Toqaev.

Aıta keteıik, osydan týra 30 jyl buryn Qazaqstan polıtsııasy qurylǵan bolatyn.