El ıgiligine qyzmet etý - paryzymyz

ASTANA. QazAqparat - Elbasynyń «Bolashaqqa baǵdar: rýhanı jańǵyrý» baǵdarlamasyndaǵy mańyzdy tezıs­terdiń biri tarıh pen mádenıettiń aýqymdylyǵyn saqtaýdan jáne uǵynýdan turady. 

Jańa tehnologııalar jasalynatyn bolady, jańalyqtar ashylatyn bolady, biraq Qazaqstan halqyna jańa jasampaz ister men jeńisterge tyń kúshter bere otyryp, rýhanı qundylyqtar men irgeli bilimder, negiz ózgerissiz qalady. Óıtkeni, Prezıdent baǵdarlamasy ózinde qazaqstandyq ulttyq minezdiń, ulttyq basymdyqtardyń, azamattyń joǵary standarttarynyń iz-tańbalaryn qamtyp otyr ǵoı. Prezıdent ortalyq jáne negizgi baǵyt­tardy tańdap aldy, olar: ǵylym, mádenıet, bilim, rýhanı qundylyqtar. Bul - Qazaqstan qoǵamynyń biri­gýiniń jáne nyǵaıýynyń jańa tujyrymdamasy.

«Jarasym» respýblıkalyq jastar uıymynyń tóraǵasy, Qazaqstan halqy Assambleıasynyń múshesi Rasýl Ahmetov «Egemen Qazaqstan» basylymynyń búgingi sanynda osyndaı pikir bildirgen.

«Baǵdarlamany iske asyrý ósip kele jatqan urpaqtyń boıynda qazaqstandyq patrıotızm, azamattyq biregeılik jáne búkil Qazaqstan halqynyń qoǵamdyq kelisimi sezimderin odan beter nyǵaıtatyn bolady. Árıne, patrıotızm týǵan tarıh pen mádenıetten, ana tilinen, týǵan otbasynan ónedi. Belsendi jasampaz patrıotızm eldiń jetistikterimen, bizdiń zamanymyzdyń qaharmandarynyń naqty isterimen qýattanyp, nyǵaıtylýǵa tıis. Baǵdarlamada «bizdikiniń barlyǵy» kórinis tapqan dep sanaımyn, óıtkeni onda bizdiń Otanymyzdyń - Qazaqstan Respýblıkasynyń ıgiligine jumys jasap jatqandar úshin eń mańyzdysy, eń qundysy jáne jaqyny jınalǵan emes pe. Qazaqstan halqy Assambleıasy jastarynyń kóshbasshysy retinde «Bolashaqqa baǵdar: rýhanı jańǵyrý» baǵdarlamasy - bul bizdiń elimizdiń jas­tary úshin jol kartasy ekendigin aıtamyn! Bul josparlar, sóz joq, ulttyq ekonomıkaǵa jáne qazaqstandyqtardyń ál-aýqatyna qolaıly áserin beredi. Eń bastysy - olardy sapaly atqaryp shy­ǵý. Bul óz kezeginde múldem biregeı jasam­pazdyq rýhyn týdyratyn bolady! Maǵan mundaı aýqymdaǵy jáne osyn­shama qoǵamdyq mańyzy bar baǵ­darlamalar ultty bekemdeıtin, aza­mat­tyq biregeılikti nyǵaıtatyn ózindik ulttyq jeli bola bastaıtyndaı bolyp kórinedi. Óıtkeni, Otan - bul tek jer, ortaq aýmaq qana emes, otandastar - ortaq mádenıetti, tildi, dástúrlerdi taratýshylar da emes pe. Qoǵamda Prezıdent maqalasyn keńinen talqylaýdy óristetý kerek. Talqylaý azamattyq qoǵamnyń qury­lymdaryna kóshýge tıis. Bul baǵytta QHA azamattyq qoǵamdaǵy qozǵaýshy kúsh jáne Elbasynyń barlyq ıdeıalary men baǵdarlamasyn Qazaqstan halqyna tıimdi jaıýshy retinde óte mańyzdy ról atqaryp shyqpaq. Men jastardyń mindeti - bizdiń aldymyzda eresek býyn qoıyp otyrǵan jáne «Bolashaqqa baǵdar: rýhanı jańǵyrý» maqalasynda aıqyn belgilenip kórsetilgen mindetterdi túsiný jáne zerdeleý dep oılaımyn. Bul aldyndaǵy tájirıbeni biz kóshirip alýǵa jáne «dálme-dál» qaıtalap shyǵýǵa tıispiz degendi áste bildirmeıdi. Óziniń alýan túrliligimen jáne jyldam damýymen ómirdiń ózi de buǵan erik bermeıdi. Al jastarǵa álemdegi jaǵdaıdy baıqaý, jalpy dúnıejúzilik úrdisterdi qadaǵalaý, tujyrymdar jasaý jáne olardy memleket baǵytymen, onyń bizge eresek býyn estafeta sekildi tabystaıtyn damý kartasymen salystyryp qaraý qajet»,-deıdi QHA múshesi.