El halqy kótergen máselelerdiń basym bóligi jylý berý júıesine qatysty - Úkimet
«Búgingi format halyqty alańdadatyn túıtkildi máselelerdi sheshýdiń tıimdi joldaryn tabýǵa jáne ony zańnamalyq turǵydan retteýge múmkindik beredi. Depýtattardyń atyna joldanǵan azamattardyń 2,5 myńnan astam ótinishin Úkimet muqııat qarap, tıisti jaýaptar Parlamentke joldandy. Olardyń oryndalý barysy Úkimettiń erekshe baqylaýynda. Birinshiden, ótinishterdegi kóp kóterilgen máseleniń biri byltyr jylý jelilerindegi iri tehnogendik apattardyń saldaryn joıý jáne osy saladaǵy ınfrastrýktýranyń potentsıalyn áleýetin kóterýge qatysty. Memleket basshysynyń tapsyrmasyna sáıkes Úkimet elimizdiń barlyq jylý ınfraqurylymyna tıisti tekserý jasap, onyń qorytyndysy boıynsha naqty is-sharalar josparyn qabyldady», - dedi T. Dúısenova.
Onyń aıtýynsha, bul jumystyń qorytyndysy boıynsha jylýmen qamtamasyz etý nysandaryn salý, kúrdeli jáne jóndeý jumystarynyń kestesi ázirlendi. Ekinshiden, Úkimettiń rezervinen Ekibastuz, Rıdder, Rýdnyı, Stepnogorsk, Kókshetaý, Aqtaý, Semeı, Pavlodar qalalarynyń jylýmen qamtamasyz etý júıelerin jóndeý úshin 55 mlrd teńge bólindi.
«Júıeli sharanyń biri retinde osy salaǵa edáýir ınvestıtsııa tartýǵa jáne kommýnaldyq ınfraqurylymdy jańartýǵa baǵyttalǵan «Tarıfti ınvestıtsııaǵa aıyrbastaý» baǵdarlamasy qabyldanyp, iske asyrylyp jatyr. Bul jobanyń aıasynda ınjenerlik jelilerdi jóndeý jáne osy saladaǵy qyzmetkerlerdiń jalaqysyn arttyrýǵa, kadrlardy tartýǵa, olardyń turaqtylyǵyn qamtamasyz etý maqsatynda 250 mlrd teńge shamasynda qarjy tartý josparlanyp otyr. Mundaǵy taǵy bir ózekti másele – ol tarıftiń ósýine qatysty. Bul jaǵdaıda Úkimet azamattardy áleýmettik qoldaý mehanızmin qoldanatyn bolady. ıAǵnı, eger otbasynyń tóleıtin kommýnaldyq shyǵyndarynyń kólemi jergilikti atqarýshy organdar belgilegen paıyzdyq kóleminen asyp ketse, onda mundaı otbasylarǵa bıýdjetten turǵyn úı kómegi tólenedi», - dedi vıtse-premer.