El ekonomıkasyn damytýdyń naqty 46 salalyq segmenti anyqtaldy

A. Qarashanyń 30-y. QazAqparat /Arman Asqarov/ - Qazirgi kezde el ekonomıkasyn damytýdyń naqty 46 salalyq segmenti anyqtaldy. Bul týraly búgin Astanada bastalǵan «Ekspert - 100 - Qazaqstan» atty ekonomıkalyq forým aıasynda QR Indýstrııa jáne saýda mınıstri Áset Isekeshev málim etti,

dep habarlaıdy QazAqparat.

«Qazirgi kezde bıznesti júrgizýde qolaıly jaǵdaı jasaý, ekonomıkanyń basymdy baǵyttaryn damytý ınnovatsııalyq-tehnologııalyq bazany qalaý, ekonomıkanyń ınfraqurylymyn nyǵaıtý, sondaı-aq shaǵyn jáne orta bıznestiń úlesin arttyrý - bizdiń jumysymyzdyń negizgi baǵyttary. Al agroónerkásip, metallýrgııa, munaı óńdeý jáne munaı hımııasy, formatseptıka, qurylys, kólik jáne energetıka el ekonomıkasynyń basty salalary retinde anyqtalyp otyr. Búgingi tańda atqarylǵan jumys nátıjesinde Qazaqstannyń ekonomıkasyn damytýdyń naqty 46 segmenti anyqtaldy. Olardyń 23 boıynsha master josparlar ázirlenýde. Basty maqsat - Qazaqstannyń salalyq áleýetin anyqtap, damytý. Úkimettiń búgingi saıasatynyń negizgi baǵyty da osy bolmaq», dedi mınıstr.