El chempıonatynda «Astana» men «Tobyl» komandalary teń tarqasty

<p>ALMATY. KAZINFORM &mdash; Almaty qalasyndaǵy &laquo;Han-Táńiri&raquo; stadıonynda fýtboldan Qazaqstan chempıonatynyń besinshi týrynda &laquo;Astana&raquo; Qostanaıdyń &laquo;Tobylyn&raquo; qabyldady.&nbsp;</p>

Ótken jylǵy kúmis júldeger «Astana» men Qazaqstan kýboginiń ıegeri qostanaılyqtar bıyl da kóshtiń aldyńǵy qatarynan kórinýge múddeli edi.

Birinshi taımda buryshtamadan berilgen doptan keıin 13-mınýtta «Tobyldan» Alıýn Ndıaıe esep ashty.

Degenmen 27-mınýtta Stas Pokatılovpen jeke-dara shyqqan Marın Tomasov tarazy basyn teńestirdi.

Bul — M.Tomasovtyń «Astana» sapyndaǵy 100-inshi goly edi.

Ekinshi kezeńde Davıd Enen 78-mınýtta «Tobyldy» qaıta alǵa shyǵardy.

Biraq 93-mınýtta Stanıslav Basmanov «Astanaǵa» bir upaı áperdi. 

Qorytyndy esep — 2:2.

Bes týrdan keıin 8 upaıy bar «Tobyl» kósh basyna jaqyndaı tústi. Elordalyqtar 7 upaımen 6-satyda tur.

Eske sala keteıik, budan buryn fýtboldan el chempıonatynda «Qaıratty» utqan «Aqtóbeniń» kósh basyna shyqqanyn jazǵan bolatynbyz.