El birinshiliginde Lázzat Kúngeıbaeva qarsylasyn tehnıkalyq nokaýtpen jeńdi

<p>ASTANA. KAZINFORM - Bokstan Qazaqstan chempıonatynda Lázzat Kúngeıbaeva (81 keli) jartylaı fınalǵa shyqty.</p>

Ol shırek fınalda Túrkistan oblysynan kelgen Gúlsezim Sadyqovamen sharshy alańǵa shyqqan edi. Birinshi raýndta Lázzat qarsylasyn eki márte nokdaýnǵa jiberip, tehnıkalyq nokaýtpen jeńiske jetti.

Osylaısha ol el birinshiliginiń jartylaı fınalyna joldama aldy.

Aıta ketsek, Lázzat Kúngeıbaeva 2016 jylǵy álem chempıony, eki márte álem chempıonatynda (2014, 2023) kúmis júldege qol sozdy. Al 2021 jyly Azııa chempıony bolsa, Qazaqstan birinshiliginiń birneshe dúrkin jeńimpazy atandy.

Eske salsaq, budan buryn Qaraǵandy qalasynda ótip jatqan bokstan eresekter arasyndaǵy Qazaqstan chempıonatynyń tórtinshi jarys kúni aıaqtaldy.