El avtojoldarynda aýyr salmaqty kólikter úshin ýaqytsha shekteý engizildi
«Jazǵy ýaqytta aýa temperatýrasy 25 gradýstan joǵary bolǵan kezde ostik júktemesi 8 tonnadan asatyn kólik quraldarynyń qozǵalysyna ýaqytsha shekteýler jylda engiziledi.
Osylaısha, elimizdiń soltústik aımaqtarynda shekteýler 1 maýsymnan 15 tamyzǵa deıin jalǵasady. Aqmola, Aqtóbe, Shyǵys Qazaqstan, Batys Qazaqstan, Qaraǵandy (Qaraǵandy qalasy), Qostanaı, Pavlodar jáne Soltústik Qazaqstan oblystarynda shekteýler saǵat 11:00 - 21:00 aralyǵynda bolady.
Almaty, Atyraý, Jambyl, Qaraǵandy (Jezqazǵan aımaǵy), Qyzylorda, Mańǵystaý jáne Túrkistan oblystarynda 1 maýsym men 31 tamyz aralyǵynda, saǵat 10:00-nan 22:00-ge deıin saqtalady», - delingen QR Indýstrııa jáne ınfraqurylymdyq damý mınıstrliginiń málimetinde.
Atalǵan shekteýlerdiń qatysy joq: halyqaralyq kelisimderge sáıkes júkterdiń jáne jolaýshylardyń halyqaralyq tasymalyn, tótenshe jaǵdaılardy joıý jáne aldyn alý jónindegi is-sharalardy, zardap shekken adamdarǵa gýmanıtarlyq kómek kórsetýdi, tez buzylatyn azyq-túlikterdi tasymaldaýdy, jolaýshylar men bagaj tasymalyn, dári-dármekterdi tasymaldaýdy júzege asyratyn, sondaı-aq jol-qurylys jumystaryna tartylǵan avtokólik quraldaryna.