El aýmaǵynyń basym bóliginde jel kúsheıedi - Qazgıdromet

NUR-SULTAN. QazAqparat - Qazgıdromet 8 qyrkúıekte bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Atmosferalyq fronttardyń ótýine baılanysty elimizdiń ońtústiginde, batysynda, shyǵysynda, ońtústik-shyǵysynda jańbyr men naızaǵaı kútiledi. QR qalǵan aýmaǵynda jaýyn-shashynsyz aýa raıy saqtalady. Respýblıkanyń basym bóliginde jel kúsheıedi, ońtústikte daýyl, soltústikte, soltústik - batysta túnde jáne tańerteń tuman kútiledi.

Jambyl, Qyzylorda, Túrkistan, Aqtóbe, Almaty, Jetisý, Ulytaý oblystarynyń basym bóliginde Abaı oblysynyń ońtústigi men shyǵysynda, Qaraǵandy oblysynyń batysynda, ońtústiginde, shyǵysynda, Batys Qazaqstannyń ońtústiginde, shyǵysynda, Atyraý oblysynyń ońtústiginde tótenshe órt qaýpi saqtalady, Qostanaı oblysynyń ońtústiginde joǵary órt qaýpi saqtalady.

Túnde Aqmola oblysynyń soltústik-batysynda, Qostanaı oblysynyń soltústiginde, batysynda, Aqtóbe oblysynyń soltústiginde topyraq betinde 1-2 gradýs úsik kútiledi.

Kúndiz Jetisý, Almaty oblystarynyń basym bóliginde qatty ystyq saqtalady.

Nur-Sultan qalasynda kóshpeli bultty, jaýyn-shashynsyz. Jel batystan, ońtústik-batystan soǵady, kúshi 9-14 m/s Aýanyń temperatýrasy túnde +4+6°S , kúndiz +16+18°S bolady.

A lmaty qalasynda kóshpeli bultty, jaýyn-shashynsyz. Jel ońtústik-batystan 3-8 m/s soǵady. Aýanyń temperatýrasy túnde +21+23°S, kúndiz +31+33°S bolady.

Shymkent qalasynda kóshpeli bultty, kúnniń ekinshi jartysynda ótkinshi jańbyr, naızaǵaı bolady. Soltústik-shyǵystan jel soǵady, kúshi 8-13, kúndiz ekpini 15-20 m/s. Aýanyń temperatýrasy túnde +19+21°S, kúndiz +29+31°S bolady.