El aýmaǵynda jalǵan aqsha jasaýshylar kóbeıip tur
«2018 jyldyń 5 aıynda jalǵan aqsha jasaý faktisi boıynsha 75 qylmystyq is tirkeldi. Aqshalaı aınalymnan jalpy somasy 5,5 mln teńge bolatyn 922 dana jalǵan ulttyq valıýta alyndy. Sonymen qatar somasy 6,3 mln teńge bolatyn 73 dana sheteldik valıýta da aınalymnan shyǵaryldy. Jalǵan aqsha belgilerin jasaıtyn 2 astyrtyn tseh qyzmeti áshkerelendi», - dedi ol.
Atap aıtqanda, 32 700 dollar jalǵan aqsha jasap satqany úshin Qazaqstannyń 2 jáne Tájikstannyń 2 azamaty bas bostandyqtarynan aıyrylǵan.
«Almatyda nomınaly 10 myńdyq jalpy somasy 460 myń teńge bolatyn jasandy ulttyq valıýtany satpaq bolǵan el azamaty ustaldy. Sonymen qatar Qyzylorda oblystyq ІІD-men birlesken shara barysynda atalǵan óńir aýmaǵynda eki azamat ustaldy. Olar da jalpy somasy 1 mln 430 myń teńge bolatyn 10 myńdyq nomınaldar men jalpy somasy 2900 dollar bolatyn 100 dollarlyq aqshany ótkizbek bolǵan», - dedi Erden Juman.