El aýmaǵynda terakt jasamaq bolǵandarǵa qatysty sot otyrysy bastaldy

ShYMKENT. QazAqparat - Búgin Shymkent qalasynda iri qylmystyq is boıynsha sot protsesi bastaldy, dep habarlaıdy QazAqparat tilshisi.

Sot aldynda úsh er adam jaýapqa tartylýda. Olardyń barlyǵy Qaraǵandy oblysynyń turǵyndary, biri 21-de, ekinshisiniń jasy - 22, úshinshisi 31-de.

Er adamdarǵa Qazaqstan aýmaǵynda lańkestik aktilerdi uıymdastyrmaq boldy degen aıyp taǵylýda. Olardy aǵymdaǵy jyldyń maýsym aıynda OQO boıynsha Ulttyq qaýipsizdik komıtetiniń departamenti quryqtady. Tergeý barysynda anyqtalǵandaı, aıyptalýshylar elde tyıym salynǵan uıymdardyń birimen baılanys ornatqan jáne olarǵa birqatar lańkestik aktilerin jasaý tapsyrylǵan. Biraq ol úshin aldymen qarajat tabý júkteledi. Osy maqsatta shymkenttik kásipkerlerdiń birin tonaý qajet bolady. Alaıda, oılaǵandaryn iske asyrýǵa arnaıy qyzmetter kedergi etti. Barlyq aıyptalýshylar buryn isti bolǵan.