El aýmaǵynda apta ishinde 3 myńnan asa qylmys tirkeldi
«Bir apta ishinde elimizdiń aýmaǵynda 3 021 qylmys jasaldy. Onyń 1 824-i táýlik ishinde ashyldy. Polıtsııa qyzmetkerleri «izin sýytpaı» 10 kisi óltirý, 3 ólimge ákep soqqan densaýlyqqa qasaqana aýyr zııan keltirý, 1 qaraqshylyq, 47 tonaý jáne 500 bóten múlikti urlaý qylmystaryn ashty», - dedi ol vedomstvonyń baspasóz qymeti alańynda ótken brıfıng barysynda.
Onyń atap ótýinshe, ІІM halyqtan zańsyz saqtalǵan atys qarýyn, oq-dáriler men jarylǵysh zattardy satyp alý boıynsha respýblıkalyq aktsııany jalǵastyryp jatyr.
«Qarý-jaraqty óz erkimen tapsyrǵany úshin qarýdyń jaı-kúıine qaraı árbir birligine 10-nan 100-ge deıingi aılyq eseptik kórsetkish kóleminde tólem kózdeledi. Osy ýaqytqa deıin polıtsııaǵa 1 192 dana atys qarýy erikti túrde tapsyryldy. Onyń ishinde 1 avtomatty oıyq, 179 oıyq uzyn uńǵyly, 4 oıyq qysqa uńǵyly, 996 tegis uńǵyly, 12 travmatıkalyq, 5 jarylǵysh qurylǵy jáne shamamen 9,5 myń oıyq uńǵyly qarýdyń patrondary bar», - dedi Shuǵyla Turlybek.