El aýmaǵynda apattyq jaǵdaıdaǵy 132 munaı uńǵymasynyń kózi joıyldy
Bul týraly QR Ekologııa, geologııa jáne tabıǵı resýrstar vıtse-mınıstri Serikqalı Brekeshev ortalyq kommýnkatsııalar qyzmetinde ótip jatqan brıfıngide aıtty.
«Qazaqstannyń geologııa salasyn damytý» taqyrybynda baıandama jasaǵan vıtse-mınıstr qorshaǵan ortaǵa zııan keltiretin munaı uńǵymalarynyń kózi memlekettik bıýdjeti esebinen joıylyp jatqanyn aıtty.
«Qorshaǵan ortany lastaıtyn apattyq jaǵdaıdady munaı uńǵymalaryn joıý úshin 2010-2021 jyldar aralyǵynda el aýmaǵynda zertteýler júrgizilgen bolatyn. Zertteý kezinde 132 apattyq munaı uńǵymasy anyqtaldy. Onyń 126-sy memlekettik bıýdjet esebinen joıyldy. Taǵy 6 uńǵymany joıý qajet bolyp otyr. Aqtóbe oblysynda– 3, Atyraý obylsynda – 1, Mańǵystaý oblysynda – 2 apattyq jaǵdaıdaǵy uńǵyma bar. Atalǵan ıesiz apattyń jaǵdaıdaǵy uńǵymalardy joıý 2023 jyly bastalady», - dedi Serikqalı Brekeshev.