El aýmaǵynda 58 mln tonna radıoaktıvti qaldyq shashylyp jatyr – Edil Jańbyrshın

<p>ASTANA. KAZINFORM &ndash; Májilis depýtaty,&nbsp; palatanyń Ekologııa máseleleri jáne tabıǵat paıdalaný komıtetiniń tóraǵasy Edil Jańbyrshın eldegi baqylaýsyz jatqan radıoaktıvti qaldyqtardyń kólemi týraly málimet berdi.</p>

«Elimiz ýran óndirý boıynsha álemde birinshi orynda jáne onyń qory boıynsha ekinshi orynda. Máselen, dúnıejúzilik ıadrolyq qaýymdastyqtyń derekteri boıynsha, Qazaqstan álemdik ýran óndirisiniń 43 paıyzyn, al 2022 jyly ýran qory álemdik qordyń 12 paıyzyn qurady. Elimizdiń aýmaǵynda KSRO kezinde paıda bolǵan radıatsııalyq qaýipti nysandar bar. ıAdrolyq synaqtardan 237 mln tonnadan astam radıoaktıvti qaldyqtardy jınaqtaǵan Semeı polıgonynyń aýmaǵy týraly umytpaýymyz kerek. Sonymen qatar radıoaktıvti qaldyqtar «QazAtomÓnerkásip» AQ-da, Úlbi metallýrgııalyq zaýytynda, «MAEK» JShS-inde, Stepnogorsk taý-hımııa kombınatynda jáne munaı kásiporyndarynda shoǵyrlanǵan. Jalpy kólemi óte kóp. Ár túrli tsıfrlar bar. Bizdiń málimetimiz boıynsha 58 mln tonnadaı radıoaktıvti qaldyqtar ár jerde shashylyp jatyr. Osyǵan baılanysty radıoaktıvti qaldyqtardy tıimdi basqarýdyń mańyzdylyǵy sózsiz», - dedi ol Ádilet mınıstrliginiń zań jobalaý jónindegi vedomstvoaralyq komıssııasynyń otyrysynda.

Depýtat radıoaktıvti qaldyqtardy qaýipsiz basqarý birinshi kezekte memlekettiń mindeti ekenin eske saldy.

«Memleket basshysy Qoshqar ata qaldyqtar qoımasyn rekýltıvatsııalaý týraly tapsyrma bergen bolatyn. Onda 101 mln tonna toksıkalyq qaldyq, 52 mln tonna radıoaktıvti qaldyq jatyr. Bul álemdegi eń úlken qoıma bolyp esepteledi – kólemi Aqtaý qalasynyń aýdanyndaı eki aýmaqty alyp jatyr», - dedi Edil Jańbyrshın.