El astanasynda Alǵys aıtý kúni qalaı toılanady
Mereke kúnderi mádenıet, sport, bilim berý uıymdary, elordalyq Qazaqstan halqy assambleıasy jáne basqa da mekemeler qala turǵyndary men qonaqtaryna arnap túrli is-sharalar daıyndap otyr.
Alǵys aıtý kúnine oraı Astanada balalar men oqýshylarǵa arnalǵan arnaıy taqyryptaǵy kórmeler ótkiziledi. Jalpy, josparlanǵan is-sharalardyń bári táýelsizdik qundylyqtaryn, ulttyq birlikti, qazaqstandyq patrıotızmdi nyǵaıtýǵa yqpal etedi.
Mysaly, 28 aqpan saǵat 11:00-de qutqarýshylar alańynda memorıalǵa gúl shoǵyn qoıý rásimi ótti. Onda TJD qyzmetkerlerine alǵys bildirý maqsatynda«Batyrlarǵa alǵys!» aktsııasy bastaldy. Olar kúndelikti óz ómirin qaterge tigip, ózgelerdi qutqarady.
Sondaı-aq, qala mektepterinde apta boıy «Janyńda júr jaqsy adam» atty kezdesý keshi, órt sóndirý batyrlarynyń qurmetine «Qaharmandar ortamyzda» qaıyrymdylyq aktsııasy jáne «Bizdiń aramyzdaǵy batyrlar chellendji ótkiziledi.
1 naýryz kúni bilim basqarmasynyń jáne jastardyń qatysýymen «Qazaq eline myń alǵys!» fleshmoby ótedi.
Sol kúni «Barys» sport kesheninde sportshylar men sport mektepteriniń tárbıelenýshileri «Meıirimge toly júrek» aktsııasyn ótkizedi, saǵat 16:00-de № 8 olımpıadalyq rezervtiń mamandandyrylǵan balalar-jasóspirimder sport mektebi 2010 jyly týǵan jasóspirimder arasynda shaıbaly hokkeıden joldastyq oıyn uıymdastyrady.
Sol kúni saǵat 11:00-de «Atameken «Qazaqstan Kartasy» etno-memorıaldyq kesheninde «Altyn alma, alǵys al» taqyrybynda dáris ótedi.
Osy ýaqytta «ALJIR» memorıaldy-murajaı kesheni «Alǵys aıtý – asyl qasıet» kórmesin, al Sáken Seıfýllın murajaıy – «Qazaq eline alǵys aıtý» dárisin uıymdastyrady.
Keshki saǵat 19:00-de Mýzykalyq jas kórermen teatrynyń sahnasynda «Býket sozvýchıı mýzykı ı slov…» atty mýzykalyq-poetıkalyq kesh ótedi.
Sol kúni saǵat 12:00-de «Naz» memlekettik bı teatry merekege oraı «Myń alǵys saǵan – Qazaǵym» taqyrybynda dóńgelek ústel uıymdastyrady. Ortalyqtandyrylǵan kitaphana júıesinde bul kúni kitap kórmeleri, tárbıe saǵattary men aktsııalar ótedi.
1 naýryz kúni keshki saǵat 19:00-de NOMAD City Hall sahnasynda «Áshten» spektakli, al «Jastar» teatrynda «Qııanat» qoıylymy kórsetiledi.
Elorda jastary soǵys jáne eńbek ardagerleriniń aýlasynda 1-3 naýryz kúnderi senbilikter ótkizedi.
Sondaı-aq qalanyń SOO-larynda jáne basqa da ashyq alańdarda taqyryptyq fleshmobtar josparlanyp otyr, áleýmettik qorǵaý mekemelerinde túrli is-sharalar ótedi.
Astana perzenthanalarynda 1 naýryz kúni «Ómir úshin rahmet!» aktsııasy ótedi.
Alǵys aıtý kúni saǵat 12:00-de dárigerlerge alǵys bildirý maqsatynda «Altyn júrek» memorıalyna gúl shoqtary qoıylady.
1 naýryz kúni saǵat 12:00-de elordalyq Dostyq úıinde Qazaqstan halqy assambleıasy músheleriniń, Parlament depýtattarynyń, memlekettik organdar, etnomádenı birlestikter, buqaralyq aqparat quraldary ókilderiniń qatysýymen Alǵys aıtý kúnine arnalǵan dóńgelek ústel ótedi.
Munda halyq taǵamdary boıynsha sheberlik synybyn Astana QHA Analar keńesiniń músheleri uıymdastyrady.