«El aktsııaǵa qansha qarjy jumsaýǵa daıar?»- baspasózge sholý
***
«Egemen Qazaqstan» basylymynyń búgingi sanynda «Qazaqstan - biz úshin eń jaqyn el» degen maqala jaryq kórdi. Keshe Elbasy Nursultan Nazarbaev Qazaqstanǵa resmı saparmen kelgen Ózbekstan Prezıdenti Islam Kárimovpen kezdesti. Shaǵyn quramda ótken kezdesýde eki memlekettiń basshylary Nursultan Nazarbaevtyń 2013 jyly maýsymda Ózbekstanǵa barǵan saparynda jasalǵan ýaǵdalastyqtardyń júzege asyrylý barysyn talqylady. Sondaı-aq, saýda-ekonomıkalyq, sý-energetıkalyq, kólik jáne mádenı-gýmanıtarlyq salalardaǵy ekijaqty yntymaqtastyqtyń basymdyǵy bar baǵyttary qaraldy. Buǵan qosa, taraptar óńirlik qaýipsizdiktiń negizgi qyrlary men ózekti halyqaralyq máseleler týraly sóz qozǵady.
Elbasy Nursultan Nazarbaev kezdesý aıasynda Qazaqstan men Ózbekstannyń tarıhı jáne mádenı turǵydan jaqyn elder ekenine toqtalyp ótti. Kórshi bolǵandyqtan, biz táýelsizdik jaǵdaıynda qarym-qatynasymyzdy durys qura bildik. Qazaqstan Ózbekstannyń barlyq bastamalaryn qoldaıdy. Biz eki eldiń dostyǵyn nyǵaıtýǵa, saýdany ulǵaıtýǵa, ózara qarym-qatynastardy ishki jáne syrtqy qaýipsizdik máseleleri men ózge de baǵyttar boıynsha damytýǵa nıettimiz. Bizdiń elderimiz qazir osy kelissózderdi jiti baqylap otyr, óıtkeni, búkil óńirdegi turaqtylyq pen damý Qazaqstan men Ózbekstannyń ustanymdaryna, ózara jumysyna baılanysty, dedi Qazaqstan basshysy.
Al Ózbekstan Prezıdenti óz kezeginde búginde álemdegi jaǵdaı qarqyndy ózgerip jatqanyna toqtaldy. Mundaı jaǵdaıda árbir el ózine taıanysh izdeıdi, josparlaryn naqtylaıdy jáne taıaý kórshilerine arqa súıeıdi. Qazaqstan - biz úshin eń jaqyn el, aýyr synaqtar men qýanyshty kúnderi ylǵı da bizben birge bolǵan jaqyn halyq. Biz árdaıym bir-birimizge kómekke keldik. Órkendeý jolyna senimdi qadam basyp bara jatqan Qazaq eline zor qurmetimdi bildirgim keledi. Bizge «saǵatymyzdy teńestirip», aldaǵy keleshekti anyqtaý úshin jıi kezdesip otyrý qajet, dedi I.Kárimov.
Bas basylymda « Men qazaq halqyna rızamyn» degen taqyryppen jazýshy Gerold Belgermen aradaǵy suhbat jarııalandy.
«Meniń ákem Karl Frıdrıhovıch te kúndelik jazǵan. Al men kúndelikti ekinshi synypta oqyp júrgende me, álde úshinshi synypta ma, jaza bastadym. Sodan beri bul ádetimnen taıǵan emespin. Kólemi biraz, qazirdiń ózinde 50 baspa tabaqtan asyp ketti bilem. Árıne, kúndelikterimdegilerdiń bári altyn emes. Arasynda adamnyń kúlkisin keltiretin, eshkimdi, tipti meniń ózimdi de qyzyqtyrmaıtyn sózder jeterlik. Degenmen, dápterge túskenderdi oı eleginen ótkizip, kádimgideı suryptasam, meniń ǵana emes, ósken ortamnyń kórinisteri qylań beretinine, tutas bir dáýirdiń kóz aldyma keletinine kúmánim joq. Densaýlyq bolsa, bul ispen de aınalyspaq oıym bar. Bolashaq eńbegimniń atyn da oılap qoıdym. «Ótken kúnder elesi» dep atasam deımin. Keıde osynyń bári kimge kerek dep oılaıtyn kezderim de bolady. Alaıda, uly Abaıdyń On besinshi qara sózindegi: «Egerde esti kisilerdiń qatarynda bolǵyń kelse, kúninde bir mártebe, bolmasa jumasynda bir, eń bolmasa aıynda bir, ózińnen óziń esep al! Sol aldyńǵy esep alǵannan bergi ómirdi qalaı ótkizdiń eken, ne bilimge, ne ahıretke, ne dúnıege jaramdy, kúninde óziń ókinbesteı qylyqpen ótkizippisiń? Joq, bolmasa, ne qylyp ótkizgenińdi óziń de bilmeı qalyppysyń?» degen sózderi oralady da, taǵy da jalǵastyryp áketemin»,-deıdi jazýshy.
***
«Kórnekti jazýshy, Alash qaıratkeri Júsipbek Aımaýytovtyń: «Balaǵa bastaýysh synypta bilimdi tek ana tilinde berý qajettigin» qadap aıtqany bar. Tabaldyryqtan bıik nárse joq. Bala úshin tabaldyryq degenimiz ne? Ol - mektep tabaldyryǵyn attaǵan sátten bastap, boıǵa quıar bilim nári. Bastaýysh synyptyń esigin alǵash ashqan balany muǵalimder álippemen qarsy alady. Al búgingi álippe balanyń talǵamyna saı kele me? «Tarydaı bolyp kiretin» balanyń álippesiniń de sıqy kete bastapty. Nege bulaı aıtyp otyrmyz? Sebebi sońǵy kúnderi baspasózde aıǵaı-shýǵa aınalǵan máseleniń biri - Sábılerge arnalǵan álippe oqýlyǵy bolyp tur. Atalmysh álippeni Qaraǵandynyń «Polıgraf-Proekst» baspasy jaryqqa shyǵarypty. Tipti álippedegi avtorlardyń da aty-jóni beımaǵlum. Tek qaptaǵan sýretshilerdiń ǵana tizimi kórsetilgen»,-dep jazady «Aıqyn» gazeti búgingi sanynda. Bul maqala basylymda «Balalardyń basty kitabynan qate jibergender kimder?» degen taqyryppen berilgen.
Osy gazette «El aktsııaǵa qansha qarjy jumsaýǵa daıar?» degen maqala kópshilik nazaryna usynylyp otyr. «Halyq Aı-Pı-O-ǵa» qatysýda qazirgi kezde elimizdiń batys óńirindegi turǵyndar úlken belsendilik tanytýda. Bul týraly Senat depýtattarynyń «Samuryq-Qazyna» qory jáne «KEGOK» ulttyq kompanııasy basshylyǵymen kezdesýinde belgili boldy. Jıynda aıtylǵanyndaı, búginde qazaqstandyqtar KEGOK-tyń aktsııalaryn satyp alýǵa ortasha alǵanda 400 myń teńgedeı qarajatyn shyǵyndaýǵa ázir otyr.
***
«Ekspress-K» basylymynda «Da provalıtsıa mne na etom meste...» atty materıal basyldy. Soltústik Qazaqstan oblysynda muz astyna «Nıva» kóligi batyp ketti. Abyroı bolǵanda, Sergeev sý qoımasynda balyq aýlaýǵa barǵan kólik júrgizýshisi men jolaýshylar zardap shekken joq. Balyqshylar birneshe saǵattan keıin úılerine qaraı baǵyt alǵanda kólik astyndaǵy muz jaryla bastaǵan. Muz astyna kete bastaǵan kóliktiń esikterin ashý múmkin bolmaǵandyqtan, ishindegi adamdar artqy esiginen shyǵyp úlgergen.