EQYU janyndaǵy brıtan Elshisi Qazaqstandaǵy qańtar oqıǵalary ashyq tergeletinine senim bildirdi

NUR-SULTAN. QazAqparat - EQYU janyndaǵy Ulybrıtanııa mısssııasy 2022 jyldyń 20 qańtarynda Venada Qazaqstandaǵy ahýal talqylanǵan uıymnyń Turaqty keńesi otyrysyndaǵy málimdemesin jarııa etti, dep habarlaıdy QazAqparat tilshisi.

«Jaqyn dos retinde biz sońǵy aptada Qazaqstan halqy tap bolǵan qaıǵyly oqıǵalarǵa alańdaýshylyq tanytamyz. Zorlyq-zombylyq saldarynan adamdardyń qaza tabýyna tereń kúızelemiz jáne qaıtys bolǵandardyń otbasylaryna kóńil aıtamyz. Zorlyq-zombylyq jáne múlikterdi qıratý aktilerin aıyptaımyz jáne Almaty jáne basqa qalalardyń tynys-tirshiligi qalypty arnaǵan túse bastaǵanyna qýanyshtymyz», - dedi EQYU janyndaǵy Ulybrıtanııanyń turaqty ókili, Elshisi Nıl Býsh.

Brıtan delegatsııasy Prezıdent Qasym-Jomart Toqaevtyń óziniń jarııa sóz sóıleýlerinde beıbit sherýshiler men Almatyda jáne ózge de birqatar qalada beıbit narazylyqty basyp alǵan «uıymdasqan qylmystyq elementter» arasyndaǵy naqty aıyrmashylyqty atap ótkenin qoldady. Dıplomat sońǵy toptyń «konstıtýtsııalq bılikti qulatý maqsaty bolǵandyǵy aıqyn» ekendigin atap óte kele, bul másele «tyńǵylyqty tergeý júrgizýdi talap etetindigin» basa aıtty.

«Qazaqstan Prezıdentiniń osynaý teńdessiz oqıǵanyń shyǵýyna ne túrtki bolǵanyn anyqtaý úshin tergeý komıssııasyn qurý sheshimin qoldaımyz. Qazaqstan bıliginiń bul tergeýlerdiń tıimdi ári ashyq jáne Qazaqstan halqynyń senimine ıe bolýyna beıil tanytýyna qoldaý bildiremiz», - dedi brıtan Elshisi.