EQYU tóraıymy kelesi Sammıt qashan ótetinin aıtty

NUR-SULTAN. QazAqparat – EQYU is basyndaǵy tóraǵasy, Shvetsııanyń Syrtqy ister mınıstri Ann Lınde jyl aıaǵynda uıymnyń taǵy bir sammıti ótetinin málim etti, dep habarlaıdy QazAqparat tilshisi.

«Sammıt jylyna bir ret ótkiziledi. Al mınıstrlikter sammıti 2-3 jeltoqsanda Shvetsııada ótedi. Men ol jıyn óte keń aýqymda jáne betpe-bet júzdesý formatynda ótedi dep úmittenemin. Árıne, Qazaqstan oǵan qatysatyn bolady. Biz qazir osy Sammıtte qandaı deklaratsııa qabyldanýy múmkin ekenin qarastyryp jatyrmyz», - dedi Ann Lınde Qazaqstannyń Syrtqy ister mınıstri Muhtar Tileýberdimen kezdesýden keıin ótken brıfıngide.