EQYU Sammıti qarsańynda «Azamattyq qoǵam: árkimniń úlesi» atty fotojumystar kórmesi ashylady
Dál sol kúni sheteldik ÚEU-lar jáne BAQ-tarmen ózara árekettesý boıynsha shtab ashylady.
Kórmede búkil elimizden jınalǵan jumystar nazarǵa usynylady. Bular - ÚEU-lar júzege asyrǵan áleýmettik paıdasy bar jobalar, qarapaıym qazaqstandyqtardyń qoǵamnyń damýyna qosyp júrgen úlesterin rastaıtyn fotosýretter.
«Barshamyzǵa belgili bolǵandaı, elimizde ÚEU-lar kóbinde adamdarmen jáne adamdar úshin jumys isteıdi, demek siz ben biz - qarapaıym qazaqstandyqtar úshin áreket etedi. Kún saıyn úkimettik emes uıymdar adamdar ómiriniń, turǵyndardyń osal jikteriniń ómiriniń sapasyn jaqsartý boıynsha jáne basqa da jobalardy júzege asyryp keledi. Sol ýaqytta, qazaqstandyqtardyń ózderi erlikteri men eńbegi arqyly elimizdiń ál-aýqatynyń damýy men joǵarylaýy úshin aıtarlyqtaı úles qosýda, bul - volonterler men kez kelgen ýaqytta kómekke kelýge daıyn qushtar adamdar» - deıdi Azamattyq Alıanstyń ÚEU-lardy damytý baǵdarlamalarynyń dırektory Andreı Emelın.
Kórme adamdar ajaryn, ÚEU-lardyń jumysynyń sátterin, maqsatty toptarmen ózara árekettestiginiń kadrlaryn jáne t.b. kórsetý maqsatymen uıymdastyrylmaq. Bul kórme kommertsııalyq emes uıymdardyń áleýmettik máselelerdi sheshýdegi múmkindikteri men jetistikterin pash etip qana qoımaı, azamattyq qoǵamnyń ári onyń ınstıtýttarynyń damýy men kúsheıýine árekettesedi. Sonymen qatar, bul - Qazaqstan úshin mańyzdy ımıdjdi shara, ol azamattyq qoǵamnyń damýy turǵysynan halyqaralyq qoǵamdastyqtyń elimizdiń tabystaryn tanyp, jetistikterdi moıyndaýyna ákeledi.
«Endi astanalyqtar men qala qonaqtary úkimettik emes uıymdardyń is-qareketteri jaıly, elimizde áleýmettik mańyzdy jobalardyń iske asyrylýy týraly keńinen biletin bolady. Jáne atap ótý kerek, bul kórme elimizdiń taǵy úsh aımaǵynda ótedi. Bizdiń kórmemiz - qoǵamnyń qamy úshin azamattyq amal-áreketter jasap júrgen adamdarǵa alǵys bildirý múmkindigi», - deıdi Azamattyq Alıanstyń atqarýshy dırektory Alına Hamatdınova.
Kórme 27 qarashaǵa deıin ótedi. Úzdik jumystardan turatyn tizbe (katalog) shyǵarylatyn bolady.