EQYU-nyń qysqa merzimdi mıssııasynyń jumysy qorytyndylandy

ASTANA. QazAqparat – EQYU-nyń saılaýlardy baıqaý jónindgi qysqa merzimdi mıssııanyń arnaýly úılestirýshisi ári jetekshisi Iren Charalambıdes 19 naýryzda ótken saılaýǵa qatysty negizgi qorytyndylaryn jarııalady, dep habarlaıdy QazAqparat tilshisi.

«Sońǵy 13 jyl boıy Qazaqstandaǵy saılaýlardy turaqty baıqap kelemiz. Biz ózimizdi Qazaqstannyń dostary ári seriktesteri retinde sezinemiz. Jáne de osynaý tamasha elge járdem kórsetý mindettemesin aldyq. Keshe 300-den astam baıqaýshymyz búkil el boıynsha jumys istedi. Olardyń jumysynyń negizinde jáne uzaqmerzimdi baıqaýshylardyń pikirine súıene otyryp, negizgi qorytyndylardy jarııa etpekpin», - dedi ol elordada ótken brıfıng barysynda.

Sheteldik baıqaýshynyń paıymynsha, elimizde júrgizilgen reformalar Qazaqstandy halyqaralyq standarttarǵa jáne EQYU mindettemelerine saı saılaý ótkizýge jaqyndatýy tıis.

«Qazaqstannyń normatıvtik-quqyqtyq bazasy Demokratııalyq ınstıtýttar jáne adam quqy bıýrosynyń buǵan deıingi usynymdaryn eskere otyryp, birqatar ózgeriske ushyrady. Saılaýshylar úshin ózgertýler engizilip, tańdaý múmkindigi keńeıtildi», - dedi Iren Charalambıdes.