EQYU-na tóraǵalyq biz úshin úlken múmkindik - Memlekettik hatshy

sp; ASTANA. Qarashanyń 24-i. QazAqparat /Aıdar Ospanalıev/ - Eýropadaǵy qaýipsizdik pen yntymaqtastyq uıymy Eýropanyń demokratııasy eń damyǵan degen elderiniń ókilderi qurǵan bedeldi uıym. Al oǵan tóraǵalyq etý  - bizge senip tapsyrylǵan úlken múmkindik.

 Qazaqstan buǵan laıyqty. Elimizdiń mundaı jetistikke qol jetkizýine Qazaqstannyń azamattyq qoǵamyn qurap otyrǵan úshinshi sektor ókilderiniń de qosqan úlesteri zor.  Bul týraly IV Azamattyq forým barysynda QR Memlekettik hatshysy-  Syrtqy ister mınıstri Qanat Saýdabaev málim etti, dep habarlaıdy QazAqparat.

 «Bizdiń ultaralyq, ulysaralyq tózimdilikti qalyptastyrý men azamattyń eń basty, eń mańyzdy quqyǵy, ıaǵnı adamdardyń laıyqty ómir súrýge degen múmkindigin qamtamasyz etý baǵytyndaǵy tájirıbemiz qazir úlken qajettilik týdyryp otyr. Biz bul máseleni halyqaralyq uıymǵa tóraǵalyq etken kezde de kóteretin bolamyz. Óıtkeni qazir Eýropanyń damyǵan, mamyrajaı tirshilik keship otyr degen elderiniń ózinde osy máselede birshama problemalar bar», dedi Memlekettik hatshy.

 Onyń sózinshe, Qazaqstan úshin EQYU-na tóraǵalyq etý eýropalyq standarttarǵa jaqyn bolýǵa jaǵdaı týdyratyn jaqsy múmkindik.  

Álem Qazaqstannyń saıası júıesi berik, ekonomıkasy myqty memleket ekendigine daǵdarys kezinde de kóz jetkizdi. Biz bul daǵdarystan asa úlken qıyndyq kórgen joqpyz. Ol qoǵam úshin asa úlken qaýip bolǵan joq. Biz búgin osy qıyndyqtardy eńserip, elimizdiń jańa damý kezeńine aıaq basqaly otyrmyz.