EQYU keńistiginde ıslam men demokratııanyń úılesimdi ekendigin, bir ortada, kez kelgen memlekette, jahannyń kez kelgen núktesinde qatar ómir súre alatynyn túsinýimiz kerek- Mıhaıl Dáýenov
Búgin elordada EQYU aıasyndaǵy Sholý konferentsııasy barysynda «Quqyqtyq Qazaqstan úshin» qoǵamdyq birlestigi azamattyq qozǵalysynyń tóraǵasy Mıhaıl Dáýenov osylaı málim etti.
«Qazirgi tańda álemdegi mıgratsııa ýaqyty Eýropa men Azııadaǵy saıası jáne túbegeıli ózgerister arqyly anyqtalady. Sotsıalıstik «taqyryptyń» ydyraýynan keıin, odaq kólemindegi kóptegen memleketter belgili bir ekonomıkalyq quldyraýǵa ushyrady. Sonyń saldarynan adamdar ómirlik qajettilikterin basqa elderdiń aýmaǵynan izdeýge kiristi. Al bundaı memleketter Reseı, Qazaqstan men Eýropa elderi bolyp otyr. Sonymen qatar, búgingi kúni osy máseledegi basty problema atalǵan aýmaqta turyp jatqan mıgranttardyń teń quqylyǵyna qatysty týyndaıtyny ras», -dedi birlestik tóraǵasy. Onyń aıtýynsha, búgingi kúni árbir memleket mıgranttarǵa qatysty máseleni óziniń erekshe zańnamalyq normatıvteri, Konstıtýtsııasynda qamtylǵan normalary, ekonomıkalyq jaǵdaıy jáne osy baǵytta ustanǵan saıasaty arqyly rettep otyr. Alaıda, M. Dáýenovtyń aıtýyna qaraǵanda, Qazaqstandaǵy mıgranttar máselesi sonshalyqty kúrdeli bolǵan emes. «Óıtkeni, birinshiden Qazaqstan musylman memleketi bolǵandyqtan mıgranttardyń negizin de musylmandar qurady. Onyń ústine bunda jaǵdaıdaǵy musylmandardyń negizgi bóligi keńes odaǵy tusynda bizben qandas, baýyrlas bolǵan memleketterden edi. Ekinshiden, Qazaqstan óz aýmaǵy arqyly Reseı men Eýropaǵa mıgratsııa aǵynyn tranzıttik ótkizýdi júzege asyrýda. Qazaqstan osy arnany ashty ári bul arna kedergisiz jumys isteýde. Bul turǵydan bizge taǵar kiná da bolmaýy kerek. Alaıda, Reseı men basqa da Eýropa elderi mıgratsııalyq aǵynnan tek ekonomıkalyq sıpattaǵy máselelerge urynyp qoıǵan joq, áleýmettik problemalary ýshyǵyp ketti. Sonymen qatar, bul elderdiń azamattyq qoǵamy musylman mıgranttaryn qabyldaı almaı otyr. Olar tili, dini, mádenıeti boıynsha qabyldanbaı keledi. ıAǵnı, bul memleketterde musylman toptarynyń jer sharynyń basqa da adamdary retinde ómir súretin uıashyqtary qalyptaspaǵan. Alaıda, halyqaralyq normaǵa sáıkes, árbir mıgrant álemniń kez kelgen núktesinde ómir súrýge, kóshýge jáne sol eldiń zańnamasynda qamtylǵan quqyqtardy ıelenýge quqyly bolýy shart», dedi birlestik tóraǵasy. Onyń aıtýynsha, Sholý konferentsııasynyń negizinde mıgranttarqa qatysty basty problemalar sheshimin tabýy kerek. «Bul rette EQYU nazaryn azııalyq keńistikke aýdarý qajet. Biz musylmandyq pen demokratııanyń úılesimdi ekendigin, osy eki máseleniń bir ortada, kez kelgen memlekette, jahannyń kez kelgen núktesinde qatar ómir súre alatynyn ózara túsinýimiz kerek», dedi ol.