EQYU Qazaqstandaǵy saılaýǵa baıqaýshylaryn jiberedi

NUR-SULTAN. QazAqparat - QR Ortalyq saılaý komıssııasy Qazaqstan Parlamenti Májilisiniń jáne máslıhat depýtattarynyń saılaýyna 33 sheteldik baıqaýshyny akkredıttedi, dep habarlaıdy QazAqparat tilshisi.

QR OSK múshesi Anastasııa Şegortsovanyń aıtýynsha, 2020 jyldyń 22 qazanynda saılaýdy halyqaralyq baıqaý ınstıtýty ashylǵannan beri Ortalyq saılaý komıssııasy 2 otyrys ótkizip, 39 baıqaýshynyń akkredıttedi.

Onyń ishinde TMD-ǵa qatysýshy memleketterdiń Parlamentaralyq assambleıasynan - 29 baıqaýshy, TMD mıssııasy quramynda - 6 baıqaýshy jáne Islam yntymaqtastyq uıymynan 4 baıqaýshy bar.

«2020 jylǵy 7 jeltoqsandaǵy jaǵdaı boıynsha QR OSK-ge Syrtqy ister mınıstrliginen 12 baıqaýshy Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosynan akkredıtteýge usynyldy. Sonymen birge 11 baıqaýshy 5 shet memleketten akkredıtteýge usynylyp otyr. Onyń ishinde: Iordanııadan - 3, Qyrǵyz, Moldıv, Moldova, Túrik Respýblıkalarynan árqaısysynan - 2 baıqaýshydan. Akkredıtteýge usynystardyń kelip túsýine qaraı baıqaýshylar jónindegi derekter jańartylyp otyrady», - dedi ol.

Onyń atap ótýinshe, «QR-daǵy saılaý týraly» Konstıtýtsııalyq zańǵa sáıkes, shet memleketter men halyqaralyq uıymdardyń baıqaýshylaryn akkredıtteý daýys berý kúninen 5 kún buryn, jergilikti ýaqytpen 18-00-de aıaqtalady.

«ıAǵnı, 2021 jyldyń 4 qańtar kúni saǵat 18-00-de aıaqtalady», - dedi Anastasııa Şegortsova.