EQYU Qazaqstanda ótken prezıdent saılaýyna baǵa berdi

ASTANA. QazAqparat – Eýropadaǵy qaýipsizdik jáne yntymaqtastyq uıymy (EQYU) bıýrosynyń demokratııalyq ınstıtýttar jáne adam quqyqtary jónindegi mıssııa basshysy Ýrshýla Gatsek Qazaqstandaǵy prezıdent saılaýyn baqylaý nátıjesin tanystyrdy, dep habarlaıdy QazAqparat tilshisi.

Mıssııa basshysynyń málimdeýinshe, Qazaqstanda prezıdent saılaýy tıimdi uıymdastyryldy.

Alaıda, saılaýda shynaıy plıýralızmdi qamtamasyz etý úshin reformany odan ári jalǵastyrý qajet.

Sondaı-aq EQYU bıýrosynyń demokratııalyq ınstıtýttar jáne adam quqyqtary jónindegi mıssııa málimdemesinde saılaý barysy jaıly aqparattar BAQ-ta keńinen jarııalanǵany aıtyldy.

«Ortalyq saılaý komıssııasy saılaýǵa daıyndyq protsesin tıimdi basqaryp otyrdy jáne qaramaǵyndaǵy jergilikti saılaý komıssııalaryn jan-jaqty oqytýdy qamtamasyz etti», - dedi Ýrshýla Gatsek elordada ótken baspasóz máslıhatynda.

Mıssııanyń baǵalaýynsha, saılaý tynysh jaǵdaıda ótti. Daýys berý kezinde tıisti protsedýralar saqtaldy.

Mıssııa músheleri 1 131 ýchaskede daýys berý protsesin baqylaǵan, sonyń 95%-na oń baǵasyn berdi.

Odan bólek, Ý. Gatsektiń aıtýynsha, saılaý barysyn mıssııa atynan elimizdiń ár óńirinde 300-ge jýyq baıqaýshy qadaǵalady.