EQYU-ǵa tóraǵalyq etý kezinde otandyq óner ujymdary Eýropa elderine birqatar gastroldik saparlar jasaıdy

sp;ASTANA. Jeltoqsannyń 8-i. QazAqparat /Gúlmıra Álıakparova/ - Qazaqstan Respýblıkasynyń 2010 jyly EQYU-ǵa tóraǵalyq etýi kezinde qazaq halqynyń mádenıetimen tanystyrý maqsatynda otandyq óner ujymdary Eýropa elderine birqatar gastroldik saparlar jasaıtyn bolady - ústimizdegi jylǵy qarashanyń 13-i kúni Elbasy N.Nazarbaevpen bolǵan tikeleı efırge suraqtardy qabyldaǵan www.line.gov.kz saıtyna óz saýalyn joldaǵan Edilhan Almashanǵa berilgen jaýap osyndaı boldy,

dep habarlaıdy QazAqparat.

E.Almashan: «Keler jyly elimiz EQYU-ǵa tóraǵalyq etýi kezinde Eýropa elderine qazaqtyń asa mol mádenıetin tanystyrý maqsatynda qandaı sharalar atqarylyp jatyr?» - degen saýal joldaǵan bolatyn.

Bul saýalǵa ústimizdegi jeltoqsan aıynyń 2-si kúni QR Mádenıet jáne aqparat mınıstrligi jaýap berip, tóraǵalyq sheńberinde Qazaqstan shet elderde birqatar mádenı sharalar men mádenıet kúnderin ótkizýdi josparlap otyrǵandyǵyn jetkizdi.

Olardyń qatarynda tek Vena qalasyna josparlanǵan úsh kontserttik gastrol bar. 2010 jylǵy qańtardyń 13-ine belgilenip otyrǵan birinshi kontsert «Festzal» (Festsaal) Hofbýrg saraıynda, EQYU Turaqty keńesiniń qorytyndylary boıynsha eldiń tóraǵalyq etýine oraı Qazaqstan óner sheberleriniń kontserti ótedi. Baǵdarlama aıasynda Qurmanǵazy atyndaǵy Qazaq memlekettik akademııalyq ult aspaptar orkestri, hor, balet trýppasy jáne K. Baıseıitova atyndaǵy Ulttyq opera jáne balet teatrynyń sımfonııalyq orkestri men ánshileri óner kórsetetin bolady.  

Ekinshi kontsertti jaz aılarynda ótkizý usynylyp otyr. Óner súıer sheteldik qaýymdy sheberlikpen oryndalǵan qazaqtyń dástúrli mýzykasymen jáne dástúrli, klassıkalyq ándermen tánti etý kózdelýde. Kontsertke N.Tlendıev atyndaǵy «Otyrar sazy» folklorlyq-etnografııalyq orkestri men kóptegen estrada ánshileri qatysady.

Úshinshi kontsertte Qazaqstan mádenıetiniń san alýandyǵyn kórsetý josparlanýda. Onda ulttyq, klassıkalyq jáne qazirgi zamanǵy estrada janrynda ónerler kórsetiletin bolady.