EQYU/DIAQB-nyń eki baıqaýshysyn akkredıtteýdiń kúshi joıyldy - QR OSK
18:17, 25 Sáýir 2015
ASTANA. QazAqparat - Búgin QR Ortalyq saılaý komıssııasynyń otyrysy ótip, onda 2015 jyldyń 26 sáýirine belgilengen kezekten tys QR Prezıdenti saılaýyna halyqaralyq uıymnyń baıqaýshylaryn akkredıtteýdiń kúshin joıý týraly qaýly qabyldandy.
Qaýly jobasyn tanystyrǵan QR OSK múshesi Tatıana Ohlopkovanyń aıtýynsha, EQYU/DIAQB-nyń saılaýdy baıqaý jónindegi mıssııasynyń resmı úndeýine baılanysty EQYU/DIAQB-nyń saılaýdy baıqaý jónindegi mıssııasynyń eki baıqaýshysy Sergeı Kalashnıkovty jáne Stepan Tapanandy Qazaqstan Respýblıkasy Ortalyq saılaý komıssııasynyń janynan akkredıtteýdiń kúshi joıyldy jáne buǵan deıin berilgen akkredıtteý týraly kýálikteri keri qaıtaryldy.
Qazaqstan Respýblıkasy Ortalyq saılaý komıssııasynyń «2015 jylǵy 26 sáýirge belgilengen Qazaqstan Respýblıkasy Prezıdentiniń kezekten tys saılaýyna shet memleketter men halyqaralyq uıymnyń baıqaýshylaryn akkredıtteý týraly» 2015 jylǵy 20 sáýirdegi №29/56 qaýlysyna tıisti ózgerister engizildi.