EQYU/DIAQB Qazaqstandaǵy saılaýdy baqylaý mıssııasynyń jumysyn bastady
Atalǵan sharaǵa oraı uıymdastyrylǵan baspasóz máslıhatynda mıssııa elshisi Borıs Frlek mıssııa Astanadaǵy on bir sarapshydan turatyn negizgi toptan, sonymen qatar 23 aqpannan bastap 2 adamnan turatyn komandamen eldiń barlyq aımaqtarynda jumys isteıtin 28 uzaq merzimdi baqylaýshydan jasaqtalatyndyǵyn atap ótti. Jalpy, bul mıssııadan elimizdegi saılaýdy 400 baıqaýshy qadaǵalaıtyn bolady.
«Bul mıssııa saılaýdy EQYU men basqa da halyqaralyq uıymdardyń mindettemelerine jáne demokratııalyq saılaý standarttary men ulttyq zańnamaǵa sáıkestigin baıqaıtyn bolady. Baıqaýshylar kandıdattar men elektoratty tirkeýdi, saılaý komıssııasy men tıisti memlekettik organdardyń jumysyn, sonymen birge saılaý ótkizý jónindegi zańnamany, onyń oryndalýyn qadaǵalaıdy», - dedi ol.
Onyń atap ótýinshe, mıssııa saılaýdan keıingi kúni baspasóz máslıhatyn ótkizip, onyń alǵashqy qorytyndylary týraly málimdeme jasaıtyn bolady. Al DIAQB mıssııasy aıaqtalǵannan keıin shamamen segiz aptanyń ishinde barlyq elektoraldy úrdisterge baqylaý júrgizý jóninde qorytyndy baıandama jasaıdy.