EQYU-da Qazaqstannyń tóraǵalyǵy arqyly qatysýshy elderdiń saıası yqtııary júzege asty - N.Zarýdna
«EQYU-da Helsınkı qorytyndy aktisiniń 40 jyldyǵyn atap ótý kezinde, barlyǵy qandaı jetistikterge qoljetkizilgeni jaıynda jáne qandaı syn-qaterler sheshimin tappaǵandyǵy turǵysynda oılandy. EQYU senim sharalaryn qalyptastyrdy, sondaı-aq túrli múddelermen saıası kúsh-jigerdi qurýǵa, saıası dılemmany sheshýge kómektesti. Bul qıyn jumys bolǵanymen, kompromıssterdi tabý qajet boldy. Atap aıtqanda, dástúrli qarý-jaraq túrlerin qadaǵalaý, áskerı senimdi qurý, sondaı-aq qaýipsizdikti qalyptastyrý salalarynda eleýli ilgerileýshilik boldy. Osyǵan baılanysty Astana deklaratsııasy der kezinde qabyldandy jáne ol qaýipsizdik anyqtamasyn qaıta qarastyrý qajettigine negizdeldi. Bul óz kezeginde Qazaqstan tóraǵalyǵy arqyly júzege asyrylǵan qatysýshy elderdiń ónimi, saıası yqtııary boldy»,-dedi N. Zarýdna Astanadaǵy «Helsınkı qorytyndy aktisiniń (1975) jəne Astanadaǵy Sammıttiń (2010) mereıtoıyna arnalǵan EQYU jetistikteri men qaterleri» atty halyqaralyq konferentsııada.