EQYU baǵdarlamalary keńsesi QR Prezıdentiniń reformalaryna qoldaý kórsetýde - Derd Sabo

NUR-SULTAN. QazAqparat – Elordadaǵy EQYU baǵdarlamalary keńsesiniń basshysy Derd Sabo Qazaqstan basshylyǵymen qabyldanǵan reformalar aıasyndaǵy jumystarǵa pikir bildirdi, dep habarlaıdy QazAqparat tilshisi.

«Biz Qazaqstanda Konstıtýtsııalyq Keńespen, Ádilet mınıstrligimen, quqyq qorǵaý organdarymen yntymaqtastyqta jumys isteýdemiz. Osy oraıda reformalarǵa qoldaý kórsetýge tyrysamyz. Búgingi konferentsııaǵa qatysyp otyrǵandardyń barlyǵy EQYU-ǵa múshe elderdiń ókilderi bolyp otyr, bul óz kezeginde este qalarlyq ári qýanyshty oqıǵa», - dedi Derd Sabo «Prezıdenttik basqarý nysany. Konstıtýtsııalyq negiz jáne saıası tájirıbe» atty halyqaralyq onlaın-konferentsııada.

Onyń sózine qaraǵanda, Nur-Sultan qalasyndaǵy EQYU baǵdarlamalary keńsesi Prezıdent Qasym-Jomart Toqaev bastamashylyq etken reformalarǵa qoldaý jasaýǵa tyrysýda.

Budan buryn habarlanǵandaı, atalǵan konferentsııada Eýropa Keńesi Venetsıan komıssııasynyń prezıdenti Djannı Býkıkkıo Qazaqstandaǵy júzege asqan konstıtýtsıonaldyq ózgerister eldiń damýyna úlken septigin tıgizgenin aıtty.

Óz kezeginde QR Ádilet mınıstri Marat Beketaev Qazaqstan tarıhynyń sol bir jaýapty kezeńinde Tuńǵysh Prezıdent bolyp Nursultan Ábishuly Nazarbaevtyń saılanýy jańa qazaqstandyq memlekettiliktiń, onyń saıası-quqyqtyq jáne ekonomıkalyq negizderiniń qalyptasýynda aýqymdy tarıhı ról atqarǵanyn atap ótti.