Ekvadordyń 18 mln turǵyny jaryqsyz qaldy

<p>ASTANA. KAZINFORM &ndash; Ekvadordyń búkil aýmaǵynda elektr jelisiniń isten shyǵýyna baılanysty turǵyndar jaryqsyz qaldy. Bul týraly sársenbi kúni eldiń Kólik jáne qoǵamdyq jumystar mınıstri Roberto Lýke málimdedi, dep habarlaıdy <a href="https://tass.ru/proisshestviya/21147101" target="_blank" rel="noopener">TASS</a> aqparat agenttigi.&nbsp;</p>

«Ulttyq jeli operatorynyń aqparatyna sáıkes, elektr jelisinde aqaý bolǵandyqtan, el jaryqsyz qaldy. Bılik máseleni sheshýge tyrysyp jatyr», - dep jazdy mınıstr X áleýmettik jelisindegi paraqshasynda.

Qalpyna keltirý jumystary shamamen 4 saǵatqa sozyldy. Keıinirek Ekvadorda elektrmen jabdyqtaý 95%-ǵa qalpyna keltirilgeni belgili boldy. 

El Universo gazetiniń málimetinshe, Ekvadordyń ártúrli qalalarynan sársenbi kúni jergilikti ýaqyt boıynsha saǵat 15:00-den keıin (Astana ýaqytymen saǵat 20:00) elektr qýatynyń óshkeni týraly habarlamalar kele bastady. 

Kıtoda baǵdarshamdar istemeı qalǵandyqtan, keptelis boldy. Elde ınternet isten shyqty.  

Ekvador birneshe aı boıy rekordtyq qurǵaqshylyq jaǵdaıynda búkil eldegi sý elektr stantsııalarynyń jappaı toqtatylýyna, sondaı-aq kórshi Kolýmbııadan elektr energııasyn jetkizýdiń toqtatylýyna baılanysty energetıkalyq daǵdarysqa tap boldy. 

20 sáýirde Ekvador prezıdenti Danıel Noboa tótenshe jaǵdaı engizý týraly jarlyqqa qol qoıdy.