Ekvadorda telestýdııaǵa shabýyl jasaý isi boıynsha jetekshi prokýror atyp óltirildi

<p>ASTANA. KAZINFORM - Ekvadordaǵy tártipsizdikter kezinde TC Televisi&oacute;n telearnasynyń stýdııasyna qarýly adamdardyń kirip ketý isin teksergen prokýror Gýaıakıl qalasynda óltirildi, dep jazdy <a href="https://tass.ru/proisshestviya/19755019" target="_blank" rel="noopener">TASS </a>aqparat agenttigi.&nbsp;</p>

Prokýror Sezar Sýares Gýaıakıldiń soltústiginde kólikte kele jatqanynda atyp óltirildi. Kólikke kem degende 20 ret oq atylǵan.

Atap ótilgendeı, ol ótken aptada TC Televisión telearnasynyń stýdııasyna qarýly adamdardyń kirip, onyń qyzmetkerlerin kepilge alý faktisin tekserip júrdi.

«Ekvador prokýratýrasy uıymdasqan qylmysqa qarsy kúres jónindegi ulttyq mamandandyrylǵan bólimsheniń prokýrory Sesar Sýarestiń ólimine qatysty resmı tergeýdi bastady», - delingen prokýratýranyń habarlamasynda.

Ekvadorda qaýipsizdik jaǵdaıy 7 qańtarda “Los-Choneros” bandysynyń jetekshisi Fıto túrmeden qashyp ketkennen keıin nasharlady. Osydan keıin eldegi birqatar túzeý mekemelerinde tártipsizdikter oryn alǵan. 8 qańtarda Noboa elde tótenshe jaǵdaı jarııalap, komendanttyq saǵat engizdi.