Ekstremızmdi nasıhattaǵan petropavldyqqa aıyppul salyndy
Soltústik Qazaqstan oblysy polıtsııa departamenti baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri 42 jastaǵy petropavldyqtyń Facebook jelisindegi paraqshasynan dinı sıpattaǵy beınejazbalardy tapty. Tekserý barysynda er adamnyń destrýktıvti sıpattaǵy dinı aǵymnyń ustanýshysy ekeni anyqtaldy.
Dintanýlyq saraptama qorytyndysyna sáıkes, ol áleýmettik jelide jarııalaǵan beınejazbalar dinı alaýyzdyqty tutatýdy nasıhattaıtyn bolǵandyqtan Qazaqstan aýmaǵynda saqtaýǵa jáne taratýǵa tyıym salynǵan.
Shilde aıynyń basynda Petropavldyń mamandandyrylǵan ákimshilik soty er adamdy QR Ákimshilik quqyq buzýshylyq týraly Kodeksiniń 453-babynyń 4-bóligi boıynsha aıypty dep tapty.
«Alaýyzdyqty qozdyrýǵa baǵyttalǵan materıaldardy saqtaǵany úshin er adamǵa 100 AEK mólsherinde aıyppul salyndy. Bul - 290 myń teńge shamasynda. 106 beınefaıl men 7 sýret tárkilendi, Facebook-taǵy paraqsha óshirildi. Esterińizge sala keteıik: QR zańnamasymen adamnyń dinı ustanymyna, dinge kózqarasyna, quqyqtaryna, bostandyqtaryna jáne zańdy múddelerine qol suǵýǵa, dinı sezimderin qorlaýǵa tyıym salynǵan», - deıdi SQO PD EQІQB bastyǵynyń mindetin atqarýshy Almas Shıtqanov.