Eksporttyq taýarlar shyǵynyn tómendetýge tsıfrlyq sheshimder septigin tıgizedi – Baqyt Sultanov

NUR-SULTAN. QazAqparat – Eksporttyq taýarlar shyǵynyn tómendetýge jańa tsıfrlyq sheshimder septigin tıgizedi. Bul týraly Sheteldik ınvestorlar keńesiniń 33-jalpy otyrysynda QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Eksporttyq taýarlar shyǵynyn tómendetýge jańa tsıfrlyq sheshimder septigin tıgizetin bolady. Saýda mınıstrligi qazirdiń ózinde export.gov.kz biryńǵaı eksporttyq portal bazasynda Digital-export arhıtektýrasyn qurý jumysyn bastady. Ortalyq Azııa elderiniń saýda protsedýralaryn jeńildetý jáne olardy tsıfrlyq formatqa kóshirý maqsatynda Eýropalyq odaqpen jáne Halyqaralyq saýda ortalyǵymen birge 4 jyldyq Ready4Trade Central Asia jobasy júzege asyrylyp jatyr», - dedi Baqyt Sultanov.

Mınıstrdiń atap ótýinshe, jobany júzege asyrýdyń nátıjesinde transshekaralyq talaptardyń ashyqtyǵy artyp, normatıvtik jáne protsedýralyq kedergiler joıylady.saýda rásimdiligi saqtalyp, transshekaralyq elektrondy saýda kólemi artatyn bolady.

«Sıngapýrlyq CrimsonLogic kompanııasymen yntymaqtastyq aıasynda tsıfrlyq saýdany avtomattandyrý, onyń ishinde «sur» jáne «qara» sertıfıkattarmen kúres úshin tehnıkalyq retteý protsesterin avtomattandyrý máselesi pysyqtalyp jatyr», - dedi ol.