Eksportty qoldaýǵa jumsalǵan 1 teńgeniń ornyna 500 teńge paıda túsedi
«Biz «QazTrade» bazasynda saýda aǵyndaryn qalyptastyratyn kásibı naryq qatysýshylarymen birlesip, saýda akseleratoryn iske qosamyz. Buǵan eksporttyq ónimniń kepildik berilgen kólemin forvardtyq satyp alýǵa avanstyq tólemderdi kózdeıtin ónimdi jetkizýge uzaq merzimdi kelisimsharttar jasasý eskerilgen. Sonymen qatar, nátıjege qol jetkizý úshin Saýda mınıstrliginiń damý ınstıtýttaryn tarta otyryp, vedomstvoaralyq úılestirýdi júzege asyrady. Qazirgi jaǵdaıdy eskere otyryp, bıýdjetten tys qarjylandyrýdy «Báıterek» holdınginiń quraldarymen, onyń ishinde jańadan qurylǵan eksporttyq-kredıttik agenttikti paıdalaný usynyldy», - dedi A. Shaqqalıev.
Onyń aıtýynsha, bul turǵyda bıznesti yntalandyrý jáne belsendi eksporttaýshylar sanyn arttyrý úshin ishki jáne syrtqy shıkizattyq emes eksportty damytý jáne ilgeriletý ınfraqurylymy qalyptastyryldy.
«Aldyńǵy qatarly elderdiń tájirıbesi boıynsha bıyl bıznes sýbektilerine eksporttyq tsıkldiń barlyq kezeńderinde saqtandyrý jáne qarjylyq qoldaý sharalarynyń spektrin usynatyn Eksporttyq-kredıttik agenttik quryldy. Eksporttyq aǵyndardyń syrtqy faktorlarǵa táýeldiligin tómendetý úshin qarjylyq sharalar tereńdetilgen qaıta óńdeý taýarlaryn qoldaýǵa baǵyttalady. «QazTrade» ınstıtýtynyń bazasynda jyl saıyn 450-den astam kompanııa qoldanatyn servıstik sharalar shoǵyrlanǵan. Sońǵy úsh jylda eksporttyń ósýi tek ósimdik maılary boıynsha 2,2, tyńaıtqyshtar – 1,7, qoı eti 4,4 paıyzǵa artty. Bizdiń esebimizge sáıkes, eksportty qoldaýǵa jumsalǵan bir teńge eksporttyq túsim boıynsha 500 teńgeni quraıdy. Bul rette, servıstik taýarlar men kórsetiletin qyzmetterdi qoldaýdyń ortasha jyldyq kólemi shamamen 2,3 mıllıard teńgeni quraıdy», - dedi mınıstr.