Eksporttaýshylardyń shyǵyndaryn óteý týraly ótinimderi maquldandy

NUR-SULTAN. QazAqparat - Indýstrııalyq-ınnovatsııalyq qyzmet sýbektileriniń shyǵyndarynyń bir bóligin óteý jónindegi vedomstvoaralyq komıssııanyń otyrysynda 10 kompanııanyń 17 ótinimi boıynsha jalpy 84,6 mln teńge somasy maquldandy. Bul týraly QazAqparat Saýda jáne ıntegratsııa mınıstrligine silteme jasap habarlaıdy.

«Ótinimderi maquldanǵan kompanııalar ónerkásiptik, tamaq jáne aýylsharýashylyq ónimderin óndirý jáne eksporttaýmen aınalysady. Olardyń ónimderi Reseı, Qyrǵyzstan, Ázirbaıjan, Tájikstan, Ózbekstan, Túrkimenstan jáne Qytaı naryqtaryna jetkiziledi», - delingen Saýda jáne ıntegratsııa mınıstrliginiń baspasóz habarlamasynda.

Bıyldan bastap bıýdjettik qarajatty tıimdi paıdalaný maqsatynda kásiporyndar jumys oryndarynyń sany, eksport kólemi, eńbek ónimdiligi, daıyn ónim kólemi sııaqty kórsetkishterdi ulǵaıtý boıynsha birqatar mańyzdy mindettemelerdi ózderine aldy.

«Eksporttaýshy kompanııalar eksporttyq ótkizý naryqtaryn keńeıtýge jáne Belarýs, Ýkraına, Chehııa, Bolgarııa, Polsha, Túrkııa jáne Aýǵanstan naryqtaryna deıin ónimderin ilgeriletýge mindettenedi. Buryn, 1-shi vedomstvoaralyq komıssııa otyrysy nátıjesi boıynsha, 3 kompanııa boıynsha jalpy 149,3 mln teńge somasyna oń sheshim qabyldanǵan. Jyldyń basynan beri shyǵyndardy óteýdiń jalpy somasy shamamen 234 mln teńgeni qurady», - dedi mınıstrlik.