EKSPO murasy jemisin berdi - Abaev Astana Hab pen AHQO bırjasy jaıly
«Ruqsat etseńizder, el ishinde shynymen meni qyzyqtyrǵan birneshe aqparatty ataıyn. Birinshiden, Memleket basshysy «Astana» halyqaralyq qarjy ortalyǵy Bırjasynyń alǵashqy saýda-sattyǵyn iske qosty. Bizdiń memleket úshin bul alǵa jasalǵan asa úlken qadam. Bul rette EKSPO murasy óziniń jemisin áli de berip jatqany qýantady. Apta buryn ǵana biz bul jerde «Astana habynyń» ashylǵanyn aıtyp otyrǵan edik. Al endi kórmeniń ınfraqurylymy ózindik bırjamyzdy ashýǵa múmindik berip otyr», - dedi Dáýren Abaev.
Mınıstr ekinshi este qalǵan mańyzdy jańalyq - Prezıdenttiń kelesi jyldy Jastar jyly etip bekitýi ekenin atap ótti.
«Búgingi tańda elimizdegi halyqtyń 30 paıyzy jastar ekenin bilesizder. Jastar - bizdiń ekonomıkalyq damýymyzdyń basty qozǵaýshy kúshi. Prezıdent qol qoıǵan qujat - jastar saıasatyn alǵa jyljytýda úlken serpin bereri anyq. Úshinshisi - latyn álipbıinde ótkizilgen jalpyhalyqtyń dıktant. Elestete berińiz, oǵan 2 mıllıonǵa jýyq qazaqstandyq qatysty. Olardyń arasynda mádenıet jáne qoǵam qaıratkerleri, belsendiler, jýrnalıster men fılologtar, stýdentter, oqýshylar boldy. Meniń oıymsha, bul dıktant - tarıhymyzdaǵy eń aýqymdy qazaqstandyq fleshmob boldy. Bul - tek ımıdjdik aktsııa ǵana emes, jańa álipbıdi engizýdegi júıeli jumystardyń bir bóligi. Sonymen birge latyn álipbıindegi «Til qazyna" atty jańa gazet ashyldy. Bunyń bári de - memleket pen qoǵamnyń birlesken jumysynyń jemisi. Bul jerde álbette, Mádenıet jáne sport mınıstrligi atqaryp otyrǵan jumysty erekshe atap ótýimiz kerek», - dedi Dáýren Abaev.